Instituti kredit-iqtisod fakulteti "tasdiqlayman"

BOB. TIJORAT BANKLARIDA BANK RISKLARINI BOSHQARISH- NING JORIY HOLATI

2.1. Tijorat banklari risklarini boshqarish usullari va mezonlari

Banklar faoliyatini to‘g‘ri tashkil qilish, ularda mavjud risklarni minimallashtirish masalalaridan biri kredit risklari, ularning sifati va darajasini aniqlash va tahlil qilishdan iborat.

Chunki kredit operatsiyalari bank operatsiyalarining 60-80 % ini tashkil etadi. Bu esa bank faoliyatining ko‘pgina ko‘rsatkichlari aynan kredit operatsiyalariga va ulardan keladigan daromadlarga bog‘liqligini ko‘rsatadi.

Kredit operatsiyalarini samarali amalga oshiririlishini ta’minlash va ulardan keladigan foizli daromadlarni barqarorligini ta’minlash uchun berilayotgan va avval berilgan kreditlarning risk ko‘rsatkichi qay darajadaligini to‘g‘ri aniqlay olish hamda kreditning riskka uchrashi yoki uni chetlab o‘tishi va riskni boshqarish chora-tadbirlarini amalda to‘g‘ri qo‘llay olish maqsadga muvofiq bo‘ladi. Quyida biz ATB Agrobank misolida, bank aktivlarida berilgan kreditlarning ulushi, bank tomonidan berilgan kreditlar tarkibi va dinamikasini, shuningdek kredit portfelini boshqarishda uning tarmoq xususiyatiga ko‘ra diversifikatsiya qilinganligini, tahlil qilib o’tamiz.