Институтда 2017-2018 ўқув йилида ўтказилган Давлат Аттестациялари натижалари ҳамда 2018-2019 ўкув йилида дак фаолиятини ташкил этиш чора-тадбирлари тўғрисида

III. “Ректор стипендияси” учун номзодларни саралаш босқичлари ва тартиби
Институтда таҳсил олувчи иқтидорли талабаларни аниқлаш ва уларга “Ректор стипендияси”ни тайинлаш 2 босқичда амалга оширилади:
Биринчи босқич – факультетларда ҳар бир йўналишлардан ўз номзодларини кўрсатган талабаларнинг ҳужжатларини факультетнинг тажрибали профессор-ўқитувчиларидан тузилган ишчи гуруҳ томонидан сараланади ҳамда институт ташкилий қўмитасига тақдим қилинади. Ҳар бир факултет 1 нафар номзодни, институт босқичига тавсия этишлари шарт. “Ректор стипендияси”ни тайинлаш учун номзодлар кўрсатиш факультет кенгашлари томонидан, талабгорларнинг ўқув ва илмий фаолиятларини оммавий муҳокама қилиш асосида амалга оширилади.
Иккинчи босқич – институт босқичи бўлиб, факультетлар тақдим қилган талабгорларнинг ҳужжатлари ташкилий қўмита томонидан кўриб чиқилиб стипендияга муносиб 1 нафар номзод аниқланади. Ташкилий қўмита таркиби институтнинг тажрибали профессор-ўқитувчилари, касаба уюшмаси, хотин қизлар қўмитаси, Ёшлар иттифоқи ва бошқа жамоат ташкилотлари вакилларидан иборат институт илмий кенгашининг қарори асосида ректор буйруғи билан тасдиқланади.
“Ректор стипендияси” учун талабгорлар дастлабки кўриб чиқиш учун факультет кенгашига қуйидаги ҳужжатларни тақдим этилади:

1. 
   Паспорт (ID карта) нусхаси;
   
2. 
   Иккитадан 6х4 ва 10х15 ўлчамларидаги фотосурат;
   
3. 
   Рейтинг дафтарчасининг белгиланган тартибда тасдиқланган нусхаси;
   
4. 
   Декан ва илмий раҳбар томонидан имзоланган тавсиянома;
   
5. 
   Илмий (ижодий) ишлар рўйхати ва уларнинг босма нусхалари;
   

Халқаро, Республика ва вилоят миқёсидаги танловларда эришган ютуқларини асословчи ҳужжатларининг белгиланган тартибдаги тасдиқланган нусхаси. “Ректор стипендияси” учун номзодлар ўз она тилидан ташқари камида битта хорижий тилни (Мустақил Давлатлар Ҳамдўстлиги мамлакатлари давлат тилларидан ташқари) билишлари талаб этилади.
Танловда Ўзбекистон Республикаси Президент стипендияси ва номдор давлат стипендиялари соҳиблари иштирок этмайди. Барча ҳужжатлар жилдга тикилган ёки папкага жойланган ҳолда тақдим этилади. Муқовада талабгорнинг фамилияси, исми ва отасининг исми, факультети, курси, гуруҳи кўрсатилади.
“Ректор стипендияси” учун факультетлар тасарруфидаги барча таълим йўналишларидаги (Бакалавр 3,4 курс) талабалар иштирок этишлари мумкин:
1. Магистиратура йўналишидан 1 нафар;
2. Иқтисодиёт факультетидан 1 нафар;
3. Кимё технология факультетидан 1 нафар;
4. Муҳандислик технология факультетидан 1 нафар;
5. Автоматика ва Энергетика факультетидан 1 нафар;
6. Қишлоқ хўжалиги маҳсулотлари технологияси факультетидан 1 нафар;
7. Енгил саноат технологияси факультетидан 1 нафар;
8. Қўшма таълим дастуридан 1 нафар;
Институт босқичида 8 нафар иқтидорли талабалар орасидан институт Кенгаши томонидан яширин овоз бериш орқали оддий кўпчилик овоз билан 1 нафар номзод аниқланади.
Институт Кенгашининг қарорли билан ректор стипендиясини тайинлаш амалга оширилади.
Институт иқтидорли талабаларига “Ректор стипендияси” тайинлаш ҳақидаги тавсияномалар йилига бир марта кўриб чиқилади.
Танловнинг биринчи – факультет босқичига ҳужжатларни қабул қилиш 1-турда 1-февралдан 20-февралгача, 2-турда 15-июндан 30-июнгача бўлган муддатларда қабул қилинади ҳамда факультетлар тақдим қилган талабгорларнинг ҳужжатлари институт ташкилий қўмитаси томонидан 1-мартгача ҳамда 20-августгача бўлган муддатда кўриб чиқиб, хулоса берилади.
Институт ректорининг “Ректор стипендияси”ни тайинлаш ҳақидаги буйруғи ишлаб чиқилади.
Ректор стипендияси 1 сентябр ва 1 мартдан бошлаб, олти ой яъни бир семестр муддатга, барча фанлар бўйича фақат аъло кўрсаткичга эга (рейтинг кўрсаткичи 86 ва ундан юқори) бўлган талабалар учун белгиланган стипендия миқдоридан 30% юқори миқдорда хар ой стипендия тўланади.
Стипендияларни янги муддатга қайтадан тайинлаш ҳам айнан шу тартибда амалга оширилади. Бунда такроран иштирок этаётган номзоднинг олдин тақдим этган ҳужжатлари инобатга олинмайди.