Институтда 2017-2018 ўқув йилида ўтказилган Давлат Аттестациялари натижалари ҳамда 2018-2019 ўкув йилида дак фаолиятини ташкил этиш чора-тадбирлари тўғрисида

Наманган муҳандислик-технология институти Кенгашининг 6/5.6-сонли Қарорига илова

“Иқтидорли талабалар учун “Ректор стипендияси”ни тайинлаш тўғрисида”ги Низом

I. Умумий қоидалар

Ушбу Низом Ўзбекистон Республикаси Президентининг 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида” ПҚ- 2909 сонли, 2017 йил 27 июлдаги “ Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида”ги ПҚ-3151 сонли, 2018 йил 5 июндаги “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775 сонли Қарорлари, Ўзбекистон Республикаси Вазирлар Маҳкамасининг 2008 йил 13 октябрдаги “Ўзбекистон иқтидорли ёшларини тақдирлаш ва моддий рағбатлантириш тўғрисида”ги 226 -сонли қарорларига мувофиқ Наманган муҳандислик-технология институтида қобилиятли ёшларни рағбатлантириш, уларни фаол яратувчилик фаолиятига кенг жалб этиш, иқтидорли ўқувчиларни моддий қўллаб-қувватлаш мақсадида “Ректор стипендияси”ни жорий этиш ва амалга ошириш тартибини белгилайди.


II. “Ректор стипендиясини” ташкил этишдан мақсад.
Наманган муҳандислик-технология институтида намунали таълим олаётган иқтидорли талабаларни илмий ва ижодий фаолиятини қўллаб-қувватлаш, уларнинг моддий ва маънавий рағбатлантириш;
Талабалар ўртасида соф рақобат муҳитини яратиш. Келгусида ҳам устоз-шогирд анъаналарини муносиб тарзда давом эттириш;
Ҳар томонлама ўз тенгдошларига ўрнак бўлаётган, фанларни ўзлаштириши яхши, жамоатчилик ишларида фаол бўлган талабаларни аниқлаб, уларни муносиб рағбатлантириб боришга эришиш;
Бу орқали институтида малакали ёш кадрларни илмий салоҳиятини ривожлантириш ва Президентимиз томонидан олиб бораётган таълим соҳасидаги сиёсатни қўллаб-қувватлаш.