Institutí NÓkis filialí «Veterinariyada kàsip etikaSÌ»

4. Kadrlar tayarlaw sistemasin rawajlandiriwdin’ tiykarg’i jo’nelisleri
Kadrlar tayarlaw sistemasin qa’liplestiriw ha’m rawajlandiriw to’mendegi u’stem jo’nelislerdi qamtip aladi:
4.1. Ta’limnin’ u’zliksizligin ta’miynlew
Tálimniń óz ishine mektepke shekemgi tálim, ulıwma orta hám orta arnawlı, kásip-óner tálimin qamtıp alıwshı jańa úzliksiz hám izbe-iz sisteması júzege keltiriledi. Joqarı kásip-óner táliminiń bakalavrlar hám magistrlar tayarlawdı názerde tutatuǵın eki basqıshlı sisteması engiziledi. Aspirantura hám doktorantura iskerligi rawajlanıp baradı. Kadrlar mamanlıǵın asırıw hám olardı qayta tayarlaw boyınsha básekige shıdamlı tálim mákemeleri ju’zege keltiriledi.
Tálim mákemelerin aymaqlıq jóneliske ótkeriw hám strukturalıq strukturasın ózgertiw jumısı ámelge asıriladı. Úzliksiz tálim sistemasın rawajlandırıw jáne onıń natiyjeliligin bahalaw monıtoringi ámelge asıriladı.
Úzliksiz tálim sisteması ushın pedagog kadrlar tayarlaw hám qayta tayarlaw ústinligi támiynlenedi.
4.2. Pedagog ha’m ilimiy-pedagog kadrlar tayarlaw, qayta tayarlaw ha’m olardin’ mamanlig’in asiriw
Pedagog kadrlardıń mamanlıǵın asırıw hám olardı qayta tayarlawdıń zaman talaplarına maslasıwshan’, tálimniń joqarı sapalı hám turaqlı rawajlanıwın gózleytuǵın sisteması ju’zege keltiriledi. Pedagog kadrlardı qayta tayarlaw hám olardıń mamanlıǵın asırıw, básekige shıdamlı dárejede olardıń kásip sapasın qollap-quwatlaw támiyinlenedi.
Joqarı tálim mákemelerinde mámleket tálim standartlarına mas joqarı maman oqıtıwshılar tayarlaw boyınsha arnawlı fakultetler, sonıń menen birge respublika wálayatlarında ulıwma orta hám orta arnawlı, kásip-óner tálimi ushın oqıtıwshılar hám qánigeler mamanlıǵın asırıw hám olardı qayta tayarlaw boyinsha arnawlı oraylar shólkemlestiriledi.
4.3. Ta’lim processin mazmunan reformalaw
Kadrlardı oqıtıw hám tárbiyalaw milliy tikleniw principleri hám ǵárezsizlik jetiskenlikleri, xalıqtıń bay milliy, ruwxıy hám intellektuallıq qa’bileti hámde ulıwmadu’nyalıq qádriyatlarǵa tayanǵan, insanpa’rwarliqqa jóneltirilgen tálimniń mazmunı mámleket tálim standartları tiykarında reformalanadi. Tálim alıwshınıń shaxsına, onda tálim hám bilimlerge bolǵan qızıǵıwshılıqtı kúsheytiwge, ózbetinshe jumıs tutıwdı, maqtanısh hám insaniy qa’dir-qimbat sezimin qáliplestiriwge ayriqsha itibar beriledi.
Pedagog kadrlardıń abıroy-itibarı, juwapkerligi hám kásip kónlikpesin asırıw boyinsha mámleket siyasatı alıp barıladı. Aldıńǵı(ilg’or) pedagogikalıq texnologiyalar, tálimniń jańa forma hám usılları, oqıw, sonday-aq differensiyalasqan da’stu’rler ámeliyatqa engiziledi.