Institutí NÓkis filialí «Veterinariyada kàsip etikaSÌ»

5-6- Lekciya. O’zbekstan Respublikasinin’ “Veterinariya haqqinda”g’i nizami
Reje:
1. Ózbekstan Respublikasınıń “veterinariya tuwrısında”gi nızamı menen tanısıw.
2. “veterinariya tuwrısında”gi nızamnıń bapları.
3. “veterinariya tuwrısında”gi nızamnıń bólimleri.
4. “veterinariya tuwrısında”gi nızamnıń elementları.
(Jańa redekciyada)
I bap. Ulıwma qag’iydalar
1-statya. Usı Nızamnıń maqseti
Usı Nızamnıń maqseti veterinariya tarawındaǵı qatnasıqlardı tártipke salıwdan ibarat.
2-statya. Veterinariya haqqındaǵı nızamshılıq
Veterinariya haqqındaǵı nızamshılıq usı Nızam hám basqa da nızam aktlerinen ibarat.
Eger Ózbekstan Respublikasınıń xalıqaralıq shártnamasında Qaraqalpaqstan Respublikasınıń veterinariya haqqındaǵı nızam aktlerinde názerde tutılǵanınan basqasha qaǵıydalar belgilengen bolsa, xalıqaralıq shártnama qaǵıydaları qollanıladı.
3-statya. Tiykarǵı túsinikler
Usı Nızamda tómendegi tiykarǵı túsinikler qollanıladı:
biologiyalıq shıǵındılar – haywanlardıń óli deneleri, veterinariyalıq-sanitariyalıq jaqtan qáwipli dep tabılǵan, kelip shıǵıwı haywanatqa tiyisli ónim hám shiyki zat, veterinariyaǵa tiyisli biologiyalıq sanaat shıǵındıları;
veterinariya – haywanlardıń ómiri hám densawlıǵı qorǵalıwın támiyinlewge, haywanlar kesellikleri payda bolıwınıń, tarqalıwınıń aldın alıwǵa hám olardı toqtatıwǵa, xalıqtı haywanlar hám adamlar ushın ortalıq bolǵan keselliklerden qorǵawǵa, Qaraqalpaqstan Respublikası aymaǵın haywanlardıń juqpalı kesellikleriniń alıp kiriliwinen qorǵawǵa, haywanlarǵa veterinariyalıq xızmet kórsetiliwin ámelge asırıwǵa, sonday-aq Qaraqalpaqstan Respublikası aymaǵınıń veterinariyalıq tınıshlıǵın, mámleketlik veterinariya xızmeti qadaǵalawı astındaǵı tovarlardıń veterinariyalıq, veterinariyalıq-sanitariyalıq qáwipsizligin támiyinlewge baǵdarlanǵan ilimiy hám ámeliy jumıs salası;
veterinariyalıq, veterinariyalıq-sanitariyalıq qaǵıydalar hám normalar – veterinariya salasındaǵı talaplardı belgilewshi, mámleketlik uyımlar hám basqa da uyımlar, yuridikalıq hám fizikalıq shaxslar tárepinen boysınılıwı ushın shárt bolǵan hújjetler;