Инсон ҳуқуқлари умумий назарияси

Ўзбекистон Республикаси Адлия вазирлигининг Инсон ҳуқуқларини 
ҳимоя қилиш бошқармаси инсон ҳуқуқлари ва эркинликларини ҳимоя қилиш 
йўлида ихтисослашган орган сифатида ҳаракат қилади.
Бошқарма олдига қўйилган асосий вазифаларга: инсон ҳуқуқлари ва унга амал 
қилиш соҳасидаги қонунчиликни таҳлил қилиш; инсон ҳуқуқлари соҳасидаги 
мавжуд бўлган қонунчиликни мукамаллаштириш; Конститутция ва қонунлар 
билан белгилаб қўйилган инсон ҳуқуқлари бўйича қонунларга амал қилишни 
таъминлаш киради. Адлия вазирлигининг инсон ҳуқуқларини ҳимоя қилиш 
Бошқармаси инсон ҳуқуқлари ва эркинликлари тўғрисидаги аҳолининг ҳуқуқий 
онгини оширишда турли хил ишлар олиб боради, жамиятда инсон ҳуқуқларини 
ҳимоя қилиш бўйича ташвиқотлар олиб боради, инсон ҳуқуқлари ва эркинлик­
ларини ҳимоя қилишда қатнашувчи адвокатлик тизимининг ролини кучай-
тиришга кўмаклашади, фуқаролик жамияти инстиутларини тузишга ва улар-
нинг ҳуқуқий асосини кучайтиришга ёрдам беради. Инсон ҳуқуқларини ҳимоя 
қилиш масаласида бу Бошқарма Ўзбекистон Республикасида фаолият олиб 
борувчи халқаро ва нодавлат ташкилотлар билан биргаликда иш олиб боради.
2008 йил Ички ишлар вазирининг буйруғи асосида инсон ҳуқуқларини 
ҳимоя қилиш ва ҳуқуқий ёрдам бериш Бошқармаси ташкил қилинган.
Бошқарманинг асосий вазифалари:
инсон ҳуқуқларини ҳимоя қилиш ва ушбу масалада халқаро ташкилотлар 
билан ҳамкорлик қилиш;
давлат ҳуқуқий сиёсатини ички ишлар идораларида амалга оширилиши-
ни таъминлаш;
ички ишлар идоралари фаолиятида қонунчиликни таъминлаш;
норматив — ҳуқуқий ҳужжатларни тизимлаштириш, ҳисобини юритиш;
оммавий ахборот воситалари билан алоқа қилган ҳолда ички ишлар вазир-
лиги ва тизимларининг жиноятчиликка қарши курашиш, унинг олдини олиш, 
жамоат тартибини сақлаш, ҳуқуқ­тартиботни мустаҳкамлаш, фуқаролар хавф-
сизлигини таъминлаш ва бошқа йўналишлардаги фаолиятини оммавий ахбо-
рот воситалари орқали тарғибот ва ташвиқот қилиш.