Innovatsion tadbirkorlik faoliyati boshqaruvining tashkiliy-iqtisodiy mexanizmi

– ishlab chiqarish boshqarish tizimining o’zgartirilishi; – yangi texnika yoki texnologiyani qo’llash; – tovar ishlab chiqarishda yangi, yanada tejamkor yoki mustahkam materialdan foydalanish; – mahsulot o’rami, dizaynini yaxshilash; – korxonaning reklama kampaniyasini tashkil etish sxemasining yangilanishi va h.k.

Lekin tadbirkorlik firmasining innovatsion faoliyat xarakteri nafaqat ishlab chiqarish omillariga nisbatan, ishlab chiqarish jarayoni o’zini tashkil etish yoki mahsulotning o’zida namoyon bo’lmay, balki ishlab chiqarish jarayonida ishtirok etayotgan odamlar faoliyatini tashkil etishga nisbatan ham namoyon bo’lishi mumkin. Bu hollarda tadbirkorlik g’oyasi quyidagi harakatlarda asoslanishi mumkin: – “malakasi etarli bo’lmagan ishchilarni bo’shatish” maqsadida ishlab chiqarish jarayonida ishtirok etuvchilarni qisman yoki butunlay almashtirish; – ushbu maqsadlarga jalb etish shartlari va manfaatlari hisobiga ishlaydigan jamoada “o’ziga xos ruhiyat”ni yaratish; – har bir ishchi tomonidan o’z ish vaqtidan unumli foydalanish choralarini qabul qilish va h.k.

O’zbekistonda innovatsion tadbirkorlikni rivojlantirishning tashkiliyiqtisodiy mexanizmlarini takomillashtirish yo’llari

• Bugungi kunda jahon miqyosida raqobat va iste’molchilar talabining kuchayishi, tarmoqlar ishlab chiqarishidagi diversifikatsiyalashuv va ixtisoslashuvning chuqurlashuvi jarayonlari ta’siri ostida kichik biznes faoliyatining o’zgarishi kuzatilmoqda. Bunday jarayon kichik biznesning iqtisodiy mohiyati va uning mamlakat iqtisodiyotidagi tutgan o’rniga nisbatan kengroq yondashuv zarurligini talab etmoqda. Jahon iqtisodiyoti rivojlanishining hozirgi bosqichi innovatsion jarayonlar uzluksizligini ta’minlash va ko’lamini oshirish bilan xarakterlanadi. Bunday 54 sharoitda kichik biznes samaradorligi o’z faoliyatini fan yutuqlariga asoslangan ishlanmalar, sanoatda keng ko’lamli ilm-fan sig’imi yuqori bo’lgan mahsulotlar ishlab chiqarishni joriy qilish, shuningdek, ilmiy ixtiro natijalarini tijoratlashtirishga yo’naltirganligi bilan belgilanadi. Ushbu omillar iqtisodiyotda innovatsion tadbirkorlik shakllanishiga asos bo’ladi.