Ingliz tilida gapirish va yozish ko’nikmalarini rivojlantirish

2. Tavsiya: Kitobni tarjimaqilish . 
Bilaman, bu juda mashaqqatli ish. Ammo urinib ko’rishga arziydi. Boshlanishiga oddiy, sodda, kichik hajmda bo’lgan, ingliz tilida yozilgan kitobni tarjima qilishga urinib ko’ring. Muvaffaqiyatli chiqqan tarjimangizni tanishlaringizga yoki internet foydalanuvchilariga taqdim etishingiz mumkin. Ularning Sizning qilgan ishingizga baho berishadi.
3. Tavsiya: Dialog kitobni o’qish. 
Ikki kishi o’rtasidagi suhbatda turli og’zaki nutqda ishlatiladigan iboralar, idiomalar, holatga mos atamalar ishlatilishi mumkin. Bunday kitoblarni o’qish og’zaki nutqingizning rivojlanishiga yaxshi ta’sir ko’rsatadi. Aynan qaysi kitobni o’qishni bilmay turganlar oddiy, «Inglizcha-o’zbekcha so’zlashgich» kitoblaridan foydalansa ham bo’ladi.
4. Tavsiya: Inglizcha komik kitobni o’qish.
Komiklarni o’qishning yaxshi tomoni – rasmlarga boy, qiziqarli hikoyalarni o’qib hech qachon zerikmaysiz. Hikoya qilinayotgan voqealar rasmlarda ham ko’rsatilgan bo’ladi, shuning uchun unda berilgan gaplarni tushunib olish ham oson kechadi.
5. Tavsiya: Ingliz tilini o’rganishga yo’naltirilgan o’yinlarni o’rganish.
 Bu turga kiruvchi ba’zi kompyuter o’yinlari Siz uchun juda sodda bo’lib tuyulishi mumkin. Ammu unutmang-ki, o’ynashdan maqsad shunchaki bekorchi vaqtni o’tkazish emas, balki ingliz tilini oz bo’lsa ham o’rganish.
6. Tavsiya: Ingliz tili oqish tezligini oshirish. 
Bir daqiqada nechta so’z o’qiy olasiz? Ko’p va imkon qadar tez o’qishni mashq qilish orqali ingliz tilida tez o’qiy olish ko’nikmasini shakllantirishingiz mumkin.
7. Tavsiya: Yordamsiz o’qishga harakat qilish.
 Katta, murakkab matnni hech qanday lug’at yoki boshqa yordamchi vositalarsiz, mustaqil ravishda o’qishga harakat qilib ko’ring. Matnda uchragan notanish so’z va iboralarning ma’nolarini matn asosida o’ylab topishga, bilib olishga harakat qiling.
8. Tavsiya: Bolalar va kattalar darajasidagi baddiy kitoblarni o’qish.
Angliya yoki Amerika bolalari uchun mo’ljallangan kitoblar sodda, tushunarli tilda yozilgan bo’lishiga qaramasdan, O’zbekistonda tilni endi o’rgana boshlagan, ona tili ingliz tili bo’lmagan kishilar uchun yetarli darajada murakkab tuyulishi mumkin. Har qanday holatda ham bolalar uchun mo’ljallangan kitoblarni o’qish tilni oson o’rganish va o’qishni sodda bosqichda o’rganishingizda yordam beradi.