Инфратузилмани ривожлантириш бўйича ик

Ўзбекистон Республикаси Мактабгача таълим вазирлиги ҳузуридаги “Инфратузилмани ривожлантириш бўйича ИК” ДМ 2021 йил Инвеститсия дастурига асосан Тошкент шаҳар Юнусобод туманидаги Мактабгача таълим ташкилотини реконструкция қилиниш бўйича
М А Ъ Л У М О Т

Ўзбекистон Республикаси Прездинтининг 2020 йил 28 декабрдаги

ПҚ-4936-сонли қарорига асосан 2020 йилдан 2021 йилга ўтувчи объект бўлиб Инвеститсия дастурига киритилган Юнусобод тумани 200 ўринга эга бўлган
99-сонли МТТни реконструкция қилиш белгилаб берилган.
Юнусобод тумани 200 ўринли 99-сонли МТТни реконструкция қилиш бўйича, 2019 йил Тошкент шаҳар “Ягона буюртмачи хизмати ИК” тендер савдоларида ғолиб пудрат ташкилоти сифатида "OLMOS MAXSUS IXTISOSLASHTIRILGAN QURILISH TA`MIR" МЧЖ билан пудрат шартномасини 6 226,1 млн.сўмга имзоланган.
Ўзбекистон Республикаси Президентининг 2018 йил 30 сентябрдаги
ПҚ-3955-сонли қарорига ва Вазирлар Маҳкамасининг 2019 йил 2 апрелдаги
274-сонли қарорига мувофиқ Мактабгача таълим вазирлиги ҳузурида “Инфратузилмани ривожлантириш бўйича ИК” ДМ ташкил топган.
Ўшбу қарорга асосан Тошкент шаҳар “Ягона буюртмачи хизмати ИК”дан
2019 йилнинг 2-чорагида Мактабгача таълим вазирлиги ҳузуридаги “Инфратузилмани ривожлантириш бўйича ИК” ДМга мазкур объектнинг шартнома хужжатлари тақдим қилинган ва биринчи 15 фоиз (бўнак) аванс 474,8 млн.сўм
2019 йил 24 июнда, иккинчи аванс 474,8 млн.сўм 2019 йил 30 сентябрда молиялаштириб берилган.
"OLMOS MAXSUS IXTISOSLASHTIRILGAN QURILISH TA`MIR" МЧЖга бугунги кунга қадар топширилган форма-3га асосан жами: 2 719,8 млн.сўм қурилиш-монтаж ишларини бажарган бўлиб, жами: 3 637,8 млн.сўм маблағ молиялаштириб берилган.
"OLMOS MAXSUS IXTISOSLASHTIRILGAN QURILISH TA`MIR" МЧЖ, Юнусобод туманидаги 99-сонли МТТни 2019 йилдан жорий йилга қадар фойдаланишга топширилмаганлиги ва қурилиш ишларини якунланмаганлиги сабабли Юнусобод туман прократураси томонидан жиноий иш қўзғатилиб Суднинг қарорига асосан "OLMOS MAXSUS IXTISOSLASHTIRILGAN QURILISH TA`MIR" МЧЖ билан тузилган пудрат шартномаси бекор қилинган.
Ўзбекистон Республикаси Президентининг 2022 йил 22 январдаги
ПҚ-98-сонли қарорига асосан 2022 йилга ўтувчи объект бўлиб Инвеститция дастурга киритилган.
Ўзбекистон Республикаси Вазирлар Маҳкамасининг 2022 йил 14 февралдаги ВМ-19-сонли Раёсат баёнига асосан Мактабгача таълим вазирлиги ҳузуридаги “Инфратузилмани ривожлантириш бўйича ИК” ДМ тугатилиши муносабати билан, мазкур объектга хисоб рақам (лицевой счет) очиш имконияти йўқлиги ва пудратчи ташкилотини танлаб олиш бўйича электрон тендер платформаси орқали элонга жойлаштириш имконияти бўлмасдан қолмоқда.