Informatikani o’qitish metodikasi

4-MODUL INFORMATIKA FANLARINING MAZMUNINI LOYIHALASHTIRISH
12-mavzu. O‘qitish texnologiyalariga kirish
Reja
12.1. O‘qitish texnologiyalari va uning turlari, o‘qitish texnologiyalarida maqsadni belgilash.
12.2. O‘qitish texnologiyalarining shakl va vositalari
12.3.O‘qitish shakllari ta’lim texnologiyasining elementi sifatida


12.1. O‘qitish texnologiyalari va uning turlari, o‘qitish texnologiyalarida maqsadni belgilash. O‘qitish texnologiyasi- bu texnik va inson resurslariga asoslangan butun o‘quv jarayonini optimallashtirishga qaratilgan, ma’lum didaktik maqsadga erishishini kafolatlaydigan o‘quv jarayonini yaratish, qo‘llash va tartibga solishning tizimli usulidir [72].
O'qitish texnologiyasida o’qituvchi quyidagilarga e’tibor berishi lozim:

• 
  o'quvchilarning imkoniyatlari va ehtiyojlarini hisobga olgan holda o’quv jarayoni maqsadlarni belgilash;
  
• 
  qat’iy, maqsadli natijalarga erishishni kafolatlaydigan jarayonning takrorlanishi;
  
• 
  Joriy natijalarni tahliliy baholash, ularni tuzatish va yakuniy qayta ishlash;
  

Umumiy qilib aytganda o'qitish texnologiyasining tarkibiy qismlari subyekt (oqituvchi) va obyekt (o’quvchi), fanlarni o'qitishning maqsadi, mazmuni, vositalari, shakllari, usullarining yig'indisidir. O’qitishni texnologiyalash o'quv jarayonining barcha tarkibiga kirib boradi va shu bilan birga uning zamonaviylashuviga ta'sir ko'rsatadi.
An’anaviy va o’qitish texnologiyalariga asoslangan o’quv jarayoni

An’anaviy o’quv jarayoni	O’qitish texnologiyalariga asoslangan o’quv jarayoni
Maqsadlari (ta’limiy, tarbiyaviy, rivojlantiruvchi) har bir dars turi uchun mazmunning xususiyatlaridan kelib chiqqan holda tuziladi	Maqsadlar (ta’limiy, tarbiyaviy, rivojlantiruvchi) har bir talaba tomonidan o’zlashtirib olinadigan bilimlar va talabalar faoliyatining yakuniy natijalari orqali aniqlanadi