Informatika va dasturlash

struct Sana_vaqt
{
unsigned short Yil;
unsigned short Oy;
unsigned short Kun;
unsigned short Soat;
unsigned short Minut;
unsigned short Sekund;
};
Bunday aniqlashda Sana_vaqt strukturasi xotirada 6 maydon*2 bayt=12 bayt joy egallaydi. Agar e’tibor berilsa strukturada ortiqcha joy egallangan holatlar mavjud. Masalan, yil uchun qiymati 0 sonidan 99 sonigacha qiymat bilan aniqlanishi etarli (masalan, 2008 yilni 8 qiymati bilan ifodalash mumkin). SHuning uchun unga 2 bayt emas, balki 7 bit ajratish etarli. Xuddi shunday oy uchun 1..12 qiymatlarini ifodalashga 4 bit joy etarli va hakoza.
Birlashmalar xotiraning bitta sohasida (bitta adres bo‘yicha) har xil turdagi bir nechta berilganlarni saqlash imkonini beradi.
Birlashma e’loni union kalit so‘zi, undan keyin identifikator va blok ichida har xil turdagi elementlar e’lonidan iborat bo‘ladi, masalan:
union Birlashma
{
int n;
unsigned long N;
char Satr[10];
};
Birlashmaning bu e’lonida kompilyator tomonidan Birlashma uchun uning ichidagi eng ko‘p joy egallovchi elementning - Satr satri­ning o‘lchamida, ya’ni 10 bayt joy ajratiladi. Vaqtning har bir mo­mentida birlashmada, e’lon qilingan maydonlarning faqat bittasi­ning turidagi berilgan mavjud deb hisoblanadi. YUqoridagi misol-da Birlashma ustida amal bajarilishida uning uchun ajratilgan xotirada yoki int turidagi n yoki unsigned long turidagi N yoki Satr satr qiymati joylashgan deb hisoblanadi.
Birlashma maydonlariga xuddi struktura maydonlariga muro-jaat qilgandek ‘.’ orqali murojaat qilinadi.
Strukturalardan farqli ravishda birlashma e’lonida faqat uning birinchi elementiga boshlang‘ich qiymat berish mumkin:
union Birlashma
{
int n;
unsigned long N;
char Satr[10];
}
birlashma={25};
Bu misolda birlashma birlashmasining n maydoni boshlang‘ich qiymat olgan hisoblanadi.
Birlashma elementi sifatida strukturalar kelishi mumkin va ular odatda berilganni «bo‘laklarga» ajratish yoki «bo‘laklardan» yaxlit berilganni hosil qilish uchun xizmat qiladi. Misol uchun so‘zni baytlarga, baytlarni tetradalarga (4 bitga) ajratish va qaytadan birlashtirish mumkin.
Quyida baytni katta va kichik yarim baytlarga ajratishda bir­lashma va strukturadan foydalanilgan programmani matni kelti-rilgan.