Informatika va axborot texnologiyalari

Visible va Enabled xossalaridan foydalanish. Obyektlarning bu xossalaridan foydalanib, oxirgi ilova ishini yaxshilaymiz. Uning oynasi kengligi 600 dan oshib ketsa, Button1 tugmasining Enabled xossasini yolg‘on qilib o‘rnatamiz. Natijada oynani boshqa kengaytirib bo‘lmaydi. Dastlab ikkinchi tugma Button2 ilova oynasida ko‘rinmasin (Button2.Visible=False).

Birinchi tugma yordamida ilova oynasini kengaytirib boramiz. U 600 dan oshib ketishi bilan ikkinchi tugma oynada paydo bo‘ladi (Button2.Visible:=True) va birinchi tugma xira tortib qoladi (Button1.Enabled:=False). Endi faqat ikkinchi tugma yordamida ilova oynasi kengligini kamaytirish mumkin. Kenglik 600 pikseldan kamayishi bilan birinchi tugma yana faol holatga o‘tsin (Button1.Enabled:=True). Oyna kengligi 400 dan kamayib ketsa, ikkinchi tugma yana g‘oyib bo‘lsin va oynani boshqa kichiklashtirib bo‘lmasin.

Birinchi tugma bosilganda nima qilish kerakligini ko‘rsatish uchun uni ikki marta bosamiz va kursor turgan joyga quyidagi kodni kiritamiz:

If Form1.Width<600 then begin Form1.Width:=Form1.Width+16;

Form1.Height:=Form1.Height+9; End else begin

Button2.Visible:=True; Button1.Enabled:=False; end;

Ikkinchi tugmani ikki marta bosib quyidagi dastur bo‘lagini kiritamiz:

If Form1.Width>400 then begin Form1.Width:=Form1.Width-16;

Form1.Height:=Form1.Height-9; End else Button2.Visible:=False;

if Form1.Width<600 then Button1.Enabled:=True;

SAVOL VA TOPSHIRIQLAR

1. 
   Visible xossa qanday vazifa bajaradi?
   
2. 
   Enabled xossasi qaysi obyektlarda uchraydi?
   
3. 
   Beshinchi ilovani shunday o‘zgartiring-ki, uning oynasi bo‘yi va eni mos ravishda 5 va 8 qadam bilan o‘zgarsin.
   
4. 
   Beshinchi ilovani shunday o‘zgartiring-ki, uning oynasi enining qiymati 500 dan 800 gacha bo‘lsin.
   
5. 
   Beshinchi ilova tugmalardagi yozuvlarni a–>A va A–>a ga o‘zgartiring.