Informatika va axborot tеxnologiyalari fanidan ma’ruzalar matni

INFORMATIKA VA AXBOROT TЕXNOLOGIYALARI
fanidan


MA’RUZALAR MATNI
Tuzuvchi: o‘qituvchilar Mo’minovA.A.
Xonimqulov.U.

Jizzax

1-Mavzu: ZAMONAVIY AXBOROT TEXNOLOGIYALARI HAQIDA UMUMIY TUSHUNCHALAR


Reja:

1. 
   Infоrmatika fani mazmuni va vazifalari. Hisoblash texnikasining rivojlanishining ilk bosqiclarihi. EHMning avlоdlari.
   
2. 
   axborot jarayonlarining texnik va programma ta’minoti. Kompyuterlarning turlari.
   
3. 
   Texnologiya tushunchasi. Kompyuterva axborot texnologiyalari haqida asosiy tushunchalar. Axborot texnologiyalari. Ularning turlari va sinflari.
   

Tayanch iboralar: Informatika va axborot texnologiyalari fanining maqsad va vazifalari, fan nimani o‘rganadi, informatika va uning paydo bo‘lishi, axborot texnologiyasining rivojlanish bosqichlari, vatanimizda informatikaning taraqqiyoti va istiqbollari, axborot, texnologiya, axborot turlari, axborot texnologiyasi, axborotning sifat ko‘rsatkichlari (xossalari), axborotlashgan jamiyat, axborot tizimlari va turlari, axborot texnologiyalarining qo‘llanish sohalari, axborot o‘lchov birliklari, axborotlarni kodlash, EHMning arifmetik asosi, sanoq sistemalari, ular ustida amallar. Kompyutеr, informatik, algoritm, konsеpsiya, Pentium, protsеssor. Tеxnik ta’minot, matеmatik ta’minot, dasturiy ta’minot, axborot ta’minoti, tashkiliy ta’minot, xususiy ta’minot. Tеxnologiya.


Informatika va axborot texnologiyalari fanining maqsadi – zamonaviy axborot texnologiyalari asoslari, zamonaviy shaxsiy kompyuterlar va ularning atrof qurilmalari, sistemali dasturiy ta’minoti, amaliy dasturiy vositalar, zamonaviy kommunikasion texnologiyalar, Web-dizayn asoslari, dasturlash, Microsoft Officening dasturiy vositalari haqidagi bilimlar bilan qurollantirishdan iborat.
Informatika va axborot texnologiyalari fanining vazifasi:
- informatika va axborot texnologiyalari haqida bir butun tasavvur hosil qilish;
- informatika va axborot texnologiyalarining har bir inson hayotidagi va jamiyatning rivojidagi rolini ochib berish;
- informatikaning texnik va dasturiy vositalarining mohiyati va imkoniyatlarining ochib berish;
- axborot tizimlari va texnologiyalarini nima maqsadida va qanday qo‘llash haqida tushuncha hosil qilishdan iborat.