Informatika va axborot texnologiyalari fanidan darsdan tashqari mashg’ulotlarni tashkil etish metodikasi reja

Internet va elektron pochta bilan ishlash

Topshiriq. Internet tizimidan foydalanib quyidagi vazifalarni bajaring:

1. 
   Qidiruv tizimlaridan foydalanib sessiya oralig’i davomida fanlardan berilgan mustaqil topshiriqlarga oid ma‘lumotlarni qidiring va olingan ma‘lumotlarni kompyuter xotirasida saqlang.
   
2. 
   Fanlarga oid sessiya oralig’i ishi topshiriqlarini kompyuterda tayyorlang va uning elektron nusxasini fan o’qituvchisi elektron manziliga yuboring.
   

Topshiriqni bajarish bo’yicha metodik ko’rsatmalar

Internet - bu ko’plab tarmoqlarni birlashtira oluvchi va dunyo hamjamiyatiga kirish imkoniyatini beruvchi tarmoqdir. Hozirda internetdan faqatgina fayllar va elektron pochta xabarlarini uzatishda foydalanibgina qolmasdan, balki turli ko’rinishdagi axborot resurslarini tarmoqda qidirish va ulardan foydalanishda ham ishlatilmoqda. Internetning yana bir imkoniyatlaridan biri bu elektron pochtadir.

Elektron pochta – bu qog’ozsiz pochta bo’lib, o’zining tezkorligi bilan ajralib turadi va yangidan-yangi axborot xizmatlarini foydalanuvchilarga taklif qiladi.

Ma‘lumki, hozirda internetda ko’plab qidiruv tizimlari mavjud. Bularga yahoo.com, nigma.ru, mail.uz, google.uz va boshqa qidiruv tizimlarini kiritish mumkin. Topshiriqni bajarish uchun ulardan biri mail.ru da kerakli ma‘lumotlar ustida qidiruv ishlarini bajarish, elektron pochta va u orqali ma‘lumot jo’natish kabi ishlarni bajarishni ko’rib o’tamiz.

• 
  Internet Explorer brauzer dasturini ishga tushirish uchun «Ishchi stol» dagi dastur belgisi yoki «Programmы» bo’limidagi dasturlar ro’yxatidagi dastur nomi ustida sichqoncha tugmasi bosiladi. Natijada brauzer dasturi oynasi va ko’pchilik hollarda mail.uz qidiruv tizimi oynasi hosil bo’ladi.
  
• 
  «Axborot texnologiyalari» faniga oid kerakli materiallar qidirish lozim bo’lsa dastur oynasidagi «Poisk» bo’limiga «Informatika» so’zini kiriting va «Nayti» yoki Enter tugmasini bosing. Natijada Siz izlayotgan matn bo’yicha saytlar ketma-ketligi hosil bo’ladi.