Informatika 8-sinf UzB new 2015 каракалпак pmd

grafikali’q wortali’q dep ataw qabi’l yetilgen.

---

74
“WINDOW” inglisshe so’z boli’p, qaraqalpaq tilinde “ayna”,
“ko’rinis” dep, “WINDOWS” so’zi bolsa “aynalar”, “ko’rinisler”
dep awdari’ladi’. Bul sistemani’n’ basqalardan ayi’rmashi’li’g’i’
sonda, woni’n’ ja’rdeminde bir waqi’tta ha’m tekstti, ha’m
grafikali’q, ha’m yesap-sanaq, ha’m ha’r tu’rli basqari’w
programmalari’n isletiw mu’mkinshiligi bar. Paydalani’wshi’ ushi’n
barli’q qolayli’qlarg’a iye bolg’an bunday operacion sistemani’n’
tezlik penen texnikali’q quri’lmalardi’n’ rawajlani’wi’na ha’m
kompyuterlerdin’ ken’ ja’miyet ta’repinen qollani’li’wi’na ali’p
keldi. WINDOWS programmasi’ni’n’ wo’zi qi’sqa waqi’t ishinde
birneshe variantlarda islep shi’g’ari’ldi’. 1998-ji’ldi’n’ jazi’nda
jarati’lg’an WINDOWS 98 din’ joqari’ da’rejedegi isenimliligi,
bezewinin’ jaqsi’lang’anli’g’i’, wo’z-wo’zin «du’zetiw» ha’m
rawajlandi’ri’w ushi’n arnawli’ qurallari’ni’n’ barli’g’i’ menen
aji’rali’p turadi’. Kompyuterlerdin’ jedellik penen rawajlani’wi’
ha’m operacion sistemalarg’a qoyi’latug’i’n talapti’n’ arti’p
bari’wi’ 1999-ji’ldi’n’ aqi’ri’na keli p  WINDOWS 2000 operacion
sistemasi’ni’n’ islep shi’g’i’li’wi’na ali’p keldi. Wol  kompyuter
resurslari’nan ja’ne de toli’g’i’raq paydalani’w mu’mkinshiligin
berdi.
Bul wortali’qti’n’ grafikali’q operacion sistema dep atali’-
wi’ni’n’ sebebi, paydalani’wshi’ interfeysi, programma ha’m
mag’luwmatlar fayllari’ni’n’ monitor aynasi’nda piktogrammalar
ko’rinisinde sa’wleleniwi boli’p tabi’ladi’. Fayllar menen islesiw
qa’legenshe mi’shka yamasa klaviatura ja’rdeminde a’melge
asi’ri’li’wi’ mu’mkin.
2001-ji’li’ islep shi’g’i’lg’an WINDOWS XP (
eXPerience  —
ta’jiriybe, si’naw) operacion sistemasi’ WINDOWSti’n’ aldi’ng’i’
versiyalari’nan pu’tkilley wo’zgeshelenedi. Soni’n’ menen birge
joqari’ da’rejedegi isenimliligi, bezewinin’ go’zzalli’g’i’, wo’z-wo’zin
«du’zetiw» ha’m rawajlandi’ri’w ushi’n arnawli’ quràllar barli’g’i’,
kompyuter resurslari’nan ja’ne de toli’g’i’raq paydalani’w
mu’mkinshiligi, ju’da’ ko’p quri’lmalardi’n’ drayverlerin wo’z
ishine alg’anli’g’i’ menen aji’rali’p turadi’. 75-bettegi su’wrette
WINDOWS operacion sistemasi’ versiyalari’nan biri bolg’an
WINDOWS XP operacion sistemasi’ni’n’ jumi’s stoli’ ha’m
birneshe a’meliy programmalardi’n’ interfeysi ko’rinisi
ko’rsetilgen.
Paydalani’wshi’ni’n’ qa’lewinshe WINDOWS operacion
sistemasi’na basqa programmalardi’ da kirgiziwge boladi’. Ha’zirgi

---

75
ku’nde WINDOWS operacion sistemasi’nda islewge
mo’lsherlengen ju’da’ ko’p arnawli’ programmalar toplami’ islep
shi’g’i’lg’an ha’m islep shi’g’ari’lmaqta. Ma’selen, Microsoft Of-
fice programmalar paketi qa’legen ka’rxanada jumi’s ju’ritiwine
paydalanatug’i’n hu’jjetlerdi tayarlaw, ha’r tu’rli yesap-sanaq
jumi’slari’n ha’m basqa wonlap a’mellerdi wori’nlaw mu’mkin-
shiligin beriwshi programmalardi’ wo’z ishine aladi’.
Windows operacion sistemasi’ni’n’ yen’ a’hmiyetli wo’zgeshe-
likleri to’mendegilerden ibarat: