Informatika 8-sinf UzB new 2015 каракалпак pmd

30-sabaq. Mag’luwmatlardi’ ta’rtiplew ha’m sortlaw
temalari’n ta’kirarlaw
To’mendegi wazi’ypalardi’ wori’nlan’.
1. 7 klaslaslari’n’i’zdi’n’ ati’ ha’m familiyasi’ jazi’lg’an
kesteden da’slep “A” ha’ribinen baslanatug’i’n familiyalardi’,
son’i’nan ati’ “a” ha’ribi menen juwmaqlanatug’i’nlari’n sortlan’.
2. Klaslaslari’n’i’zdan besewinin’ familiyasi’, ati’, tuwi’lg’an ji’li’,
usi’ ji’l, jasi’ qatnasqan “Klaslas” atli’ keste du’zin’ ha’m
formatlan’. Sol kesteni to’mendegi qa’siyetlerden birewi arqali’
ta’rti plen’: 
a) familiyani’ wo’siw yamasa kemeyiw ta’rtibinde;
b) tuwi’lg’an ji’li’ni’n’ wo’siw yamàsà kemeyiw ta’rtibinde.
3. Wo’tken sherekte barli’q pa’nlerden wo’zlestiriwin’izdi
sa’wlelendiriwshi keste du’zin’. Kestedegi mag’luwmatlardi’
pa’nler ati’ni’n’ wo’siw ta’rtibinde, bahalardi’n’ kemeyiw
ta’rtibinde ta’rti plen’. Ali’ng’an na’tiyjelerge tiykarlani’p  qaysi’
pa’nnen jaqsi’ na’tiyje alg’ani’n’i’zdi’ an’lati’wshi’ kesteni filtrlew
a’meli ja’rdeminde aji’rati’p saqlan’.
4. Shan’arag’i’n’i’zdi’n’ ha’rbir ag’zasi’ni’n’ 10 ku’nlik suw
sarplawi’n ha’m uluwma sarplang’an suw ko’lemin sa’wlelendiriwshi
keste du’zin’. Kestedegi mag’luwmatlardi’ aldi’n ag’ayinlik da’rejesin
ko’rsetiwshi qa’siyet (ata, ana, ajag’a, ini, ajapa, sin’li ha’m basqalar),
son’i’nan suw sarplawi’ boyi’nsha ta’rtiplen’. Suw sarplawi’na shegara
qoyi’n’ ha’m sol si’pat boyi’nsha filtrlep wo’z aldi’na saqlan’.
5. Berilgen a, b, d ma’nislerge sa’ykes A, B, D kvadratlardi’n’
maydani’n yesaplawshi’ kestesin du’zin’. Na’tiyjedegi ma’nislerin
wo’siw ta’rtibinde sortlan’.
6. Ta’biyiy ha’m socialli’q pa’nlerden alg’an sherek bal-
lari’n’i’z sa’wlelengen “Pa’nler” atli’ keste payda yetin’. Wo’z
aldi’na bag’anada ta’biyiy pa’nlerge 1, socialli’q pa’nlerge 2 qa’siyet
berin’. Pa’nlerdin’ ati’ boyi’nsha ta’rti plen’. Na’tiyjedegi kesteden
aldi’n ta’biyiy pa’nlerdi sortlap ali’n’, keyin socialli’q pa’nlerdi
sortlap ali’n’.
7. “Pa’nler” atli’ kestege wortasha ball yesaplaw bag’anasi’n
qosi’n’. Payda bolg’an kesteni sol bag’ana boyi’nsha 4 balldan
kishi bolmag’an ball ji’ynag’an pa’nlerin’izdi sortlap ali’n’.
Na’tiyjedegi kestege tiykarlani’p qa’biletin’iz ha’m keleshektegi
ka’sibin’iz haqqi’nda woylap ko’rin’.

---

135
a
b
d
e