Informatika 8-sinf UzB new 2015 каракалпак pmd

Bir paydalani’wshi’li’ operacion sistemalar bir adamni’n’
islewine mu’mkinshilik beredi. Bunday jag’dayda a’lbette, birneshe
paydalani’wshi’ kompyuterdegi informaciyalardan paydalani’w
ushi’n na’wbet penen islewi mu’mkin. Bunday waqi’tta barli’q
informaciya barli’q paydalani’wshi’ ushi’n ashi’q boladi’.
Ko’p paydalani’wshi’li’ operacion sistemalarda ha’rbir
paydalani’wshi’ uluwma informaciyalardan ha’m paroldi kirgizi p
tek g’ana wo’zine tiyisli bolg’an jeke informaciyalardan
paydalani’wi’ mu’mkin. Bazi’ bir ko’p paydalani’wshi’li’
operacion sistemalar (ma’selen, UNIX) bir waqi’tti’n’ wo’zinde
bir kompyuterde birneshe paydalani’wshi’ islewine mu’mkin-
shilik beredi.
Ha’rqanday operacion sistemadan to’mendegi si’patlardi’n’
boli’wi’ talap yetiledi:
1. Isenimlilik. Sistema wo’zi basqari’p ati’rg’an kompyuter
quri’lmalari’ si’yaqli’ isenimli boli’wi’ kerek. Yeger progràmmàdà
yamasa quri’lmada qanday da bir qa’telik bolsà, woni’ sistema taba
ali’wi’ ha’m bul qa’teni du’zetiwge ha’reket yetiwi, hesh
bolmag’anda, usi’ qa’te sebepli paydalani’wshi’ programmag’a
jetkizgen zi’yanni’n’ aldi’n ali’wi’ kerek.
2. Qorg’aw. Qa’legen paydalani’wshi’ wo’z jumi’si’na basqa
paydalani’wshi’lardi’n’ zi’yan keltiriwinen qorg’aydi’. Usi’ sebepli
sistema paydalani’wshi’lardi’ programma ha’m mag’luwmatlardi’
wo’zgeler qa’teleri ta’sirinen ha’m de aralasti’ri’wi’nan qorg’awi’
kerek.