Informatika 8-sinf UzB new 2015 каракалпак pmd

Do’n’gelek  diagrammalar qanday da bir procestin’
bo’listiriliwin ko’rsetiw ushi’n qolayli’. To’mendegiler bug’an
mi’sal boladi’.
1-mi’sal.  6 ma’yek, 10 gramm nan sodasi’, 250 gramm
sari’may, 400 gramm sheker, 500 gramm unnan pisirilgen
torttag’i’ wo’nimlerdin’ payi’z yesabi’ndag’i’ kaloriyasi’ tabi’lsi’n.
Aytayi’q, 1 dana ma’yekte —300 kkal, 10 gramm nan
sodasi’nda — 2 kkal, 10 gramm sari’mayda — 35 kkal, 10 gramm
qumshekerde — 50 kkal, 100 gramm unda — 40 kkal quwatli’li’q
bar bolsi’n. Wonda to’mendegi keste ha’m wog’an sa’ykes
diagrammag’a iye bolami’z (E9-su’wret):
2-mi’sal. 8-klass woqi’wshi’lari’ sani’ ha’m uluwma yesaptag’i’
payi’zi’ haqqi’nda mag’luwmat tayarlan’ (E10-su’wret).
Gistogrammalar ja’rdeminde mag’luwmatlardi’ sali’sti’rmali’
ko’riniste sali’sti’ri’wi’n su’wretlep beriw qolayli’. Bunda
mag’luwmatlar birneshe qatardan ibarat boli’wi’ mu’mkin. U’lgi
si’pati’nda 3—4-mi’saldi’ ali’w mu’mkin.
3-mi’sal. 8-klaslardi’n’ 5 pa’nnen wo’zlestiriwin sali’sti’ri’n’
(E11-su’wret).