Informatika 2017 qqalpoq indd

15-sabaq. ELEKTRON POCHTA

Internet  sisteması  imkaniyatları  tek  saytlarda  saqlap  qoyılǵan 

tayar  maǵlıwmatlardı  beriw  menen  sheklenbeydi.  Ol  jáne  tekst 

túrinde  tezlik  penen  maǵlıwmatlar  almasıw,  yaǵnıy  «sóylesiw»  hám 

de  xat  jiberiw  sıyaqlı  imkaniyatlardı  da  beredi.

Pochta  haqqında

Siz  pochta  xızmeti  menen  júdá  jaqsı  tanıssız.  Doslarıńızǵa  kop 

márte  xat  jazǵansız  hám  olardan  xat  alǵansız.  Bunıń  ushın  ápiwayı 

qaǵaz  betine  kerekli  tekstti  jazıp,  onı  konvertke  salasız.  Jazǵan 

xatıńız  tap  siz  qálegen  jerge  barıwı  ushın,  konverttiń  arnawlı  ornına 

mánzili  anıq  jazıw  kerek  boladı.  Konvert  «awzın»  jelimlep,  pochta 

qutısına  salasız.  Konvertte  kórsetilgen  manzildıń  Siz  jasap  turǵan 

jerden  qansha  uzaq  yaki  jaqınlıǵına  qaray,  xatıńız  gózlengen  jerge 

jetip  barıwı  ushın  birneshe  kúnnen  birneshe  háptege  shekem  waqıt 

sarplanıwı  múmkin.  Xabardı  júdá  tez  jetkeriw  kerek  bolsa,  pochta 

xızmetinen  paydalanıwdıń  keregi  joq.  Bunday  jaǵdaylarda  telefonnan 

paydalanıw  múmkin.  Lekin  telefon  arqalı  súwret,  sızılma  hám 

hújjetlerdi  jiberiwge  bolmaydı.

Internet  bul  mashqalanı  da  ańsat  sheship  berdi.  Internet 

sistemasınıń  ajıralmas  bólegi  bolǵan  elektron  pochta tezlik penen 

ápiwayı  pochta  ornın  iyelep  barmaqta.  Sebebi,  elektron  pochta 

arqalı  jiberilgen  xabar  dúnyanıń  qálegen  jerine  sanawlı  minutlarda 

jetip  baradı.  Házirgi  kúnde  millionlap  adamar  elektron  pochta 

xızmetinen  nátiyjeli  paydalanbaqta.  Olardıń  sanı  kún  sayın  artıp 

baratır.   

Elektron  pochta  ápiwayı  pochtanıń  tiykarǵı  kemshiligi  bolǵan 

tezlik  mashqalasın  sheship  qoymastan,  tekst,  túrli  sızılmalar  menen 

bir  qatarda  sesli  hám  video  xabarlardı  jiberiw  múmkinshiligin  beredi. 

Elektron  pochta  paydalanıwshıları  óz  elektron adreslerine  iye  bolıp, 

onı  web-beti  adresinen  ańsat  ajıratıw  múmkin:  

---

68