Xabar texnologiyasınıń ayırım texnikalıq quralları
Xabar texnologiyaları esaplaw texnikasınan tısqarı baylanıs texni-
kası, televidenie hám radionı da óz ishine aladı. Ulıwma, informatika
hám xabar texnologiyaları bir-birin toltırıwshı bólekleri sıpatında
qaraladı.
Kompyuter tarmaqları
Kompyuterlerdiń insan turmısındaǵı áhmiyeti kún sayın artıp
barmaqta. Házirgi kúnde informaciyalardı jıynaw, qayta islew hám
tarqatıw menen baylanıslı bolǵan tarawlarda kompyuterlersiz islewdi
kóz aldıńızǵa keltirip bolmaydı. Lekin, kompyuterdiń yadı qansha
úlken bolmasın, jumıs islew payıtında paydalanıwıńız kerek bolǵan
barlıq informaciyalardı oǵan jaylastırıp bolmaydı. Ayırım informaciya
kerek bolıp qalǵan waqıtta onı basqa kompyuterden kóshirip alıw
ushın sırtqı informaciya tasıwshı qural (disketalar, CD-diskler hám
basqalar)dan paydalanıw kerek boladı. Biraq bul kóp waqıt hám
qosımsha qárejetlerdi talap etedi. Usı sıyaqlı mashqalalar óz ara
informaciya almasıw maqsetinde kompyuterlerdi birlestiriw zárúrligin
payda etti. Dáslep arnawlı kabel járdeminde yaki kompyuterdi óz ara
birlestiriwge erisildi. Aradan kóp waqıt ótpesten, birneshe kompyuterdi
birlestiriw imkaniyatın beriwshi texnikalıq qurılma hám baǵdarlama
islep shıǵıldı. Usı tárizde kompyuter tarmaqları júzege keldi.
Bunday tarmaqlar qosımsha qurılmalar talap etse de (tarmaq
platası, arnawlı kabel), kompyuterlerden paydalanıw nátiyjeliligin
48
arttıradı. Tarmaqtaǵı qálegen kompyuter basqa kompyuterdiń diskine,
printerine hám basqa sırtqı qurılmalarına múrájáát etiwi múmkin
boladı. Bunday tarmaqlar bir xanada yaki bir imarattıń ishinde
shólkemlestirilip, lokal (jergilikli) tarmaqlar dep ataladı.
Lokal tarmaqta kompyuterlerdiń biri tiykarǵı kompyuter etip
tańlanadı. Ol fayllar serveri yaki, ápiwayı túrde server dep ataladı.
Qalǵan kompyuterler bolsa jumıs islewshi stanciyalar dep atalıp, ser-
ver menen hám de óz ara tarmaq plataları hám arnawlı kabeller
járdeminde baylanısadı.
Kompyuterler arasında informaciya almasıwdı rawajlandırıw boyın-
sha izleniwler toqtap qalmadı. Xabar texnologiyalarınıń jedellik penen
rawajlanıwı, endi bir xanada yaki bir imaratta jaylasqan kompyuterlerdi
emes, bálkim uzaq aralıqta, hátte basqa mámleketlerde jaylasqan
kompyuterlerdi óz ara baylanıstırıw imkaniyatın beriwshi regionallıq
hám global (xalıq aralıq) tarmaqlardı júzege keltirdi.
Regionallıq tarmaqlar bir mámleket aymaǵındaǵı barlıq paydala-
nıwshılardı birlestiredi. Bunday tarmaqqa baylanısqan kompyuterler
arasındaǵı aralıq birneshe júz kilometrdi qurawı múmkin. Global
tarmaqlar dúnyanıń túrli mámleketlerindegi paydalanıwshılardıń óz
ara informaciya almasıwın támiyinleydi.
Regionallıq hám global tarmaqlarda kompyuterlerdi arnawlı baylanıs
kabelleri arqalı baylanıstırıw qımbatqa túsedi. Sol sebepli olardı
Do'stlaringiz bilan baham: |