Informati va informatikaga iod fanlar jadal su’ratlar bilan rivojlanib bormoqda

Mikroprotsessor qismlari haqida ma’lumot bering?

Operativ xotira turlari haqida ma’lumot bering?

Disketalar haqida ma’lumot bering?

Qattik diskning tashqi ko’rinishi haqida ma’lumot bering?

11 - MAVZU: Qattiq diskni tanlash va o’rnatish

Reja

1. 
   Qattiq diskni o‘rnatish
   
2. 
   To‘plovchining konfiguratsiyasi.
   
3. 
   Tizim konfiguratsiyasi.
   
4. 
   To‘plovchining turini avtomatik tarzda aniqlash.
   

Tayanch so’z va iboralar: Double Side/High Density, Defragmentatsiyalash utilitlar, Tizim konfiguratsiyasi., BIOSl

Qattiq disklarni yuzasini tahlil qiluvchi dasturlar, ma’lumotlar ishonchli darajada saqlanayotganligini aniqlash uchun, o‘qish/yozish operatsiyalari bajariladi. Murakkab algoritmlar asosida yaratilgan utilitlar, DOS o‘qiy olmagan ma’lumotlarni tiklab beradi. Agarda, yuklanuvchi disk shikastlangan bo‘lsa, unda operatsion tizim diskni aniqlay olmaydi va tegishli xato to‘g‘risida ma’lumot beradi. Ko‘pincha shunday hollarda kompyuter osilib qoladi. Agarda, FAT jadvali salgina shikastlangan bo‘lsa, unda DOSdagi CHKDSK, shuningdek, uning o‘zlashtirilgan versiyasi SCANDISK buyruqlari yoki maxsus utiliti ma’lumotlar klasterlarini aniqlaydigan ko‘rsatkichlarni tiklashlari mumkin. Agarda FAT jadvali butunlay shikastlangan bo‘lsa, ko‘rsatkichlar va diskdagi ma’lumotlar yo‘qoladi. Shuni aytib o‘tish kerakki, ma’lumotlar diskda qoladi, lekin ulardan foydalanib bo‘lmaydi.

CHKDSK DOS versiyalarida, keyinchalik esa Windowsning dastlabki versiyalarida mavjud bo‘lgan. Windows 95/98 versiyalarida esa Microsoft kompaniyasi, yuqori funksional imkoniyatlarga ega bo‘lgan, SCANDISK dasturini tavsiya etadi. Windows XP da esa, ko‘pgina yangi funksiyalar, shuningdek, NTFS bo‘limlarining tiklanishi va ular to‘g‘risida ma’lumot beruvchi, CHKDSK dasturning yangilangan versiyasi mavjud.

Tashqi ishlab chiqaruvchialarning kengroq imkoniyatlarga ega bo‘lgan yuzani tekshiruvchi utilitlari.

Bunday mahsulotlarga Norton Utilities va SpinRite kiradi. Ulardan yo‘qolgan ma’lumotlar qismlarini aniqlash uchun, ma’lumotlarni diskning ishonchli maydoniga olib o‘tish, shuningdek, shikastlangan sektorlarni “yopish uchun” foydalaniladi. Bu dasturlar ishlatish uchun juda ham qulay, ular yordamida o‘rta statik diskni qayta ishlash uchun, kamida bir soat vaqt ketadi. Ularning asosiy afzalliklari shundan iboratki, ma’lumotlarni yo‘qotishdan oldin sektor shikastlanganligi to‘g‘risida xabardor bo‘lishingiz mumkin.

Biroq, Norton SystemWorks yoki Norton Utilities larning asosiy afzalliklari – FAT jadvali shikastlangan yoki boshqa muammolarga duch kelgan diskdagi ma’lumotlarni tiklash. Agarda, qattiq disk shikastlangan bo‘lsa, hamma ma’lumotlarning rezerv nusxasini yaratib, uni yangisiga almashtiring.

Diskning fizik shikastlanishidan tashqari, uning eng muhim muammolaridan biri- katta faylning o‘rtasidagi shikastlangan sektor. Agarda sektor butunlay o‘qilmaydigan bo‘lsa, faylning qolgan qismi yo‘qoladi. DOS va Windows operatsion tizimi uncha katta bo‘lmagan muammolarni, masalan, bitta belgini, bartaraf etish imkoniyatga ega. Lekin, hech qaysi foydalanuvchilar uchun mo‘ljallangan dastur hajmi 11 baytdan katta bo‘lgan ma’lumotni tiklay olmaydi.

Siz, oxirgi marta, qachon o‘z fayllaringizni rezerv nusxalarini yaratgansiz?