Инфокоммуникация тизимлари электр таъминоти” фани ва унинг аҳамияти

Ҳар қандай фаннинг мақсади давр ва ижтимоий ҳаёт билан узвий боғлиқ. Биз ўрганиётган фаннинг мақсади инфокоммуникация тизимлари электр таъминоти манбаларининг тузилиши, ишлаш тамойили, қўллаш соҳалари, ишлаб чиқаришдаги ўрни ва шу билан биргаликда телекоммуникация ва телевидениянинг турли хил тизимларида электр таъминоти манбаларини қўллаш ва тадбиқ қилиш асослари бўйича назарий билимларни беришдан иборат.
Талабаларга “Инфокоммуникация тизимлари электр таъминоти”ни ўргатиш жараёнида фан қуйидаги вазифаларни бажаради:
- инфокоммуникация ва ахборот технологиялари тизимлари (ИК ва АТТ) объектлари электр қурилмаларида электр энергиядан фойдаланиш ва уларнинг асосий тавсифлари;
- ИК ва АТТ энергетик тизимлари ва уларда қўлланилаётган электр энергия манбалари асосий тамойили, электр таъминоти ҳисобининг назарий-услубий асосларини;
- ИК ва АТТ бирламчи ва иккиламчи электр таьминот манбалари ва тизимлари функционал тузилишлари;
- қайта тикланувчи энергия манбалари асосида телекоммуникация корхоналари ва тизимлари, ахборот технологиялари объектларини электр таъминотинини ташкил этишни, электр таъминоти параметрларини ҳисоблаш усуллари ҳақида тасаввурга эга бўлишни;
- ИК ва АТТда қайта тикланувчи энергия манбаларига бўлган талабларни ўрганишни;
- қайта тикланувчи энергия манбалари асосида электр таъминоти тизими ишлаш тамойилини ва уни ташкил этишни;
- қайта тикланувчи энергия манбалари назариясини, тузилиш тамойилини ва таснифларини ҳисоблаш усулларини;
- ИК ва АТТ қайта тикланувчи энергия манбалари асосидаги электр таъминоти тизимиларини компьютер моделлаштириш ва тадқиқ этиш;
- ИК ва АТТ электр таъминоти тизими ва қисмларининг ишончлилигини баҳолашни;
- ИК ва АТТ электр таъминотини ишлатиш ва уларга хизмат кўрсатиш тажрибаларини;
- ИК ва АТТ бир неча энергия манбаларидан нарх, сифат ва бошқа кўрсаткичлар бўйича энг қулайини танлай билиши ва улардан фойдалана олиши;
- талабалар ўз фикр-мулоҳаза ва хулосаларини аниқ баён эта олиш ва олган билимларини амалиётда қўллай билиш кўникмаларига эга бўлишлари лозим.