Industrial iqtisodiyot

 
Rayxanov U.A. 
- 
O‘zMU “Makroiqtisodiyot” kafedrasi katta o‘qituvchisi 
 
TAQRIZChILAR: 
 
Xashimova N.A. 
- 
TDTU “Sanoat iqtisodiyoti” kafedrasi mudiri, i.f.d. 
 
 
Xashimov P.Z. 
- 
O‘zMU “Iqtisodiyot nazariyasi” kafedrasi dotsent, i.f.n. 
O‘zbekiston Respublikasi Oliy va o‘rta maxsus ta’lim vazirligining
 
2019-yil 
 9 
fevral 
dagi 
“133” 
-sonli buyrug‘iga asosan nashr etishga ruxsat berilgan 
(ro’yxatga olish raqami
133-133
)
 
ISBN- 978-9943-6247-8-8 
© 
Muminov N.G. 
., 2020
 

---

3 
KIRISH 
Moddiy ishlab chiqarish sohasidagi yuz berayotgan o‘zgarishlarning 
bugungi bosqichida ta’lim sohasida sezilarli siljishlar kuzatilmoqda. Bu tizim, 
butun iqtisodiyot tizimi kabi yangi jihatlar, yangi yo‘nalishlar, yangi yondashuv 
va mazmun kasb etmoqda. Bozor iqtisodiyoti bugungi kunda fanning turli 
sohalarida chuqur bilimga ega bo‘lgan, mustaqil hisob-kitoblar yurita oladigan, 
to‘g‘ri xulosalar chiqara oladigan va istiqbolni belgilay oladigan malakali 
mutaxassislarga ehtiyoj sezmoqda. 
Innovatsion iqtisodiyotni shakllantirish va rivojlantirish sharoitida 
mamlakatni ijtimoiy-iqtisodiy jihatdan jadal taraqqiy ettirish asosida jamiyat 
a’zolarining moddiy va ma’naviy farovonligini ta’minlashda iqtisodiyotning 
yetakchi va o‘ziga xos tarmoqlardan bo‘lgan sanoat va qurilishning mavqei 
alohida o‘rin egallaydi. Ana shu juda muhim sohalar iqtisodiy asoslarining ham 
nazariy, ham amaliy ahamiyati va mohiyatini tushunadigan, undagi barcha 
yangiliklar va tashkiliy o‘zgarishlarni his eta oladigan iqtisodchilarni 
tayyorlashda “Industrial iqtisodiyot» fanining roli alohida ahamiyat kasb etadi. 
Fanning asosiy maqsadi tahsil oluvchilarda zamonaviy iqtisodiy 
fikrlashni, mamlakat milliy iqtisodiy-ijtimoiy ishlab chiqarish tizimida sanoat 
majmuasining egallagan o‘rnini tavsiflash, iqtisodiyot va aholining sanoat 
mahsulotlariga 
bo‘lgan 
ehtiyojlarini 
to‘laroq 
qondirish, 
fan-texnika 
taraqqiyotini jadallashtirish va sanoat ishlab chiqarishining samarador-ligini 
oshirish zarurati to‘g‘risidagi umumlashgan tasavvurni shakllan-tirishdan 
iborat. 
Davlat va xo‘jalik subyektlari miqyosida amalga oshirilayotgan 
investitsiya siyosatini, uning ustivor yo‘nalishlarini yaxshi tushunish, kapitalni 
yangi qurilishga sarflash imkoniyatlarini, amaldagi ishlab chiqarish quvvatlarini 
kengaytirish va rekonstruksiya qilishni, fan-texnika taraqqiyotining eng yangi 
yutuqlari asosida texnika va texnologiyalarning yangi turlarini yaratish va 
ishlab chiqarishga joriy qilishni, resurslardan oqilona foydalanish, boshqaruv, 
tadbirkorlik va biznesni bilish bugungi kundagi mutaxassislar uchun juda 
muhimdir. Shuningdek, ular uchun iqtisodiyot boshqaruvidagi turli miqyoslarda 
ishlab chiqilayotgan investitsion yechimlar va loyihalarni tanlab olish, tahlil 
qilish va baholash usullarini bilish juda muhimdir. 
“Industrial iqtisodiyot» fani talabalarga nafaqat muayyan axborot, 
ma’lumotlar, bilim va ilm berishi, balki ularni o‘z faoliyatining eng muhim 
yo‘nalishlarini to‘g‘ri tanlab olishga, murakkab iqtisodiy muammolarning 
yechimini topa bilishga o‘rgatishi kerak.