Илова “Заковат” интеллектуал ўйини бўйича

2.4. Тошкент шаҳрида ўтказилувчи марафонда Профессионал ва биринчи лига жамоалари ҳамда ҳудудлардан таклиф этиладиган жамоалар ўртасида ўтказилади.
2.5. Тошкент шаҳрида ўтказилувчи марафонга “Заковат” ўйини бўйича Профессионал лигадан 10 та, биринчи лигадан 5 та, мамлакатнинг ҳар бир ҳудудидан (Тошкент шаҳридан ташқари) 1 тадан – жами 28 та жамоа Марафонда иштирок этиш учун ТГ томонидан таклиф қилинади.
2.6. Тошкент шаҳрида ўтказилувчи марафонга Профессионал лигадан жорий йилнинг 1 август ҳолатига рейтинг бўйича биринчи 10 та ўринни биринчи лигадан биринчи 5 та ўринни эгаллаб турган жамоалар ҳамда ҳудудлардаги клуб ўйинларида иштирок этувчи билимдонлардан иборат 13 та жамоа Марафонга таклиф қилинади. Бунда ҳудудлардан иштирок этувчи жамоалар дейилганда ўз ҳудудларида ташкил этилган мавсумий ўйинларнинг рейтингларида 1-ўринни эгалаб турган жамоа ёки ҳудуддаги билимдонлардан ташкил топган терма жамоа назарда тутилади.
2.7. 2.2.- ва 2.5-бандда кўрсатиб ўтилган жамоалар турли сабабларга кўра Марафонда иштирок эта олмаслиги маълум бўлса, ТГ рейтинг бўйича кейинги ўринларни эгаллаган жамоаларни Марафонда иштирок этиш учун таклиф қилади.
2.8. Марафонда жамоанинг тегишли ҳудудларда мавсумий ўйинларда доимий аъзоси бўлмаган иштирокчиларни жалб қилинишга йўл қўйилмайди.
2.9. Бухора, Гулистон, Фарғона, Урганч, Қарши шаҳарларидаги марафонларда Профессионал лига жамоалари аъзолари ҳамда биринчи лиганинг жорий йилнинг 1 август ҳолатига рейтинг бўйича биринчи 5 та ўринни эгаллаган жамоалар аъзоларини иштирок этишига йўл қўйилмайди.
2.10. ТГ рухсатисиз иштирокчилар Марафонда қатнашишга қўйилмайди.


3-боб. Марафонни ўтказиш тартиби
3.1. Марафон “Заковат интеллектуал ўйини Кодекси” қоидалари бўйича ўтказилади
3.2. Марафон турлари ва саволлари сони қуйидагича:
Бухоро шаҳридагисида – 10 та тур, 10 та саволдан, жами 100 та савол;
Гулистон шаҳридагисида – 12 та тур, 10 та саволдан, жами 120 та савол;
Фарғона шаҳридагисида – 12 та тур, 10 та саволдан, жами 120 та савол;
Урганч шаҳридагисида – 10 та тур, 10 та саволдан, жами 100 та савол;
Қарши шаҳридагисида – 12 та тур, 10 та саволдан, жами 120 та савол;
Тошкент шаҳридагисида – 20 та тур, жами 200 та савол;