Ilmiy va o’quv-uslubiy faoliyatda axborot texnologiyalari

Andijon mashinasozlik instituti “Axborot texnologiyalari”

kafedrasi dotsentlari U. Q. Sabirov, A. A. Ermatov hamda kafedra mudiri

M. T. Yusupovlar tomonidan “Iqtisod” ta’lim sohasining (230000) “Iqtisodiyotda axborot texnologiyalari va tizimlari” magistratura mutaxassisligi (5A230107) uchun “ILMIY VA O’QUV-USLUBIY FAOLIYaTDA AXBOROT TEXNOLOGIYaLARI” fanidan ishlab chiqilgan FAN DASTURIga

taqriz
“Ilmiy va o’quv-uslubiy faoliyatda axborot texnologiyalari” fani Andijon mashinasozlik institutining 2021-2022 o’quv yili uchun “Iqtisod” ta’lim sohasining (230000) “Iqtisodiyotda axborot texnologiyalari va tizimlari” magistratura mutaxassisligi (5A230107) o’quv rejasida tanlov fanlari tarkibidan o’rin olgan.

U. Q. Sabirov, A. A. Ermatov hamda M. T. Yusupovlar tomonidan ishlab chiqilgan ushbu fan dasturi magistratura bitiruvchilari - OTM o’qituvchisi faoliyatining ikki yo’nalishi – a) ilmiy tadqiqotchi va b) pedagog sifatida egallashlari zarur bo’lgan bilimlar va ko’nikmalar majmuini o’z ichiga olgan hamda 10ta moduldan tashkil topgan. Ular quyidagilardan iborat: tadqiqotchining zamonaviy axborot muxiti, ilmiy ishlanmani nashrga tayyorlash, ilmiy-tadqiqot natijalarini AKT vositalari yordamida tayyorlash va taqdim etish, tadqiqot natijalarini matematik qayta ishlash, oliy ta’lim muassasasining axborot muxiti, zamonaviy ta’lim maqsadlarini AKT asosida amalga oshirish, masofaviy ta’limning axborot texnologiyalari, ye-Learning standartlari, masofaviy ta’lim tizimini (LMS) ishlab chiqish, masofaviy ta’limning zamonaviy platformalari.

Fan dasturida fanning mazmuni talab etilgan zaruriy bo’limlar bilan yoritilgan: fanni o’qitishning maqsadi va vazifalari, asosiy nazariy qism, amaliy mashg’ulotlar bo’yicha ko’rsatmalar va tavsiyalar, mustaqil ta’lim bo’yicha ko’rsatmalar va tavsiyalar, fan o’qitilishining natijalari (shakllanadigan kompetentsiyalar), ta’lim texnologiyalari va metodlari, adabiyotlar.

Ushbu dastur asosida fanni o’zlashtirishda magistratura talabalari ilmiy tadqiqotchi va pedagogning amaliy ko’nikmalarini xosil qiladilar.

Yuqoridagilarni inobatga olib, U. Q. Sabirov, A. A. Ermatov hamda M. T. Yusupovlar tomonidan ishlab chiqilgan “Iqtisodiyotda axborot texnologiyalari va tizimlari” fani dasturini magistratura talabalariga xozirgi zamon tarmoq texnologiyalarini o’qitishda foydalanishga tavsiya etamiz.

Taqrizchi: