Ilmiy tadqiqot metodologiyasi fani bo’yicha ishchi o’quv dasturi

Fanining maqsadi va vazifalari. “Ilmiy tadqiqot metodologiyasi” fani magistratura talabalarining nazariy bilimlari, amaliy ko’nikmalari, ijtimoiy - iqtisodiy, ma’naviy – madaniy hamda siyosiy jarayon va xodisalarga uslubiy yondashuv hamda falsafiy, ilmiy dunyoqarashini shakllantirish, ilmiy tadqiqot ishlari bilan shug’ullanish jarayonlarida dastur vazifasini bajaradi.
Fan bo’yicha talabalarning bilim, ko’nikma va malakalariga quyidagi talablar qo’yiladi. Magistr:

• 
  bilimning konstruktiv xarakteri; ilmiy faoliyat mahsulining amaliy ahamiyatini anglash; ilmiy-metodik adabiyotlarni tahlil qilish va ularga havola berish usullari; mavzuni yoritish uchun matndan daliliy misollar tanlash; ularning miqdorini belgilash;qo’lyozmani tahrir qilish, ilmiy ishni ilmiy uslubda ravon va savodli yozish tasavvuriga ega bo’lishi;
  
• 
  ilmiy tadqiqot olib borishning metodologik asoslari, zaruriy shartlari;ilmiy izlanishga oid asosiy tushunchalar; ilmiy tadqiqotning mantiqiy tuzilmasi, mavzuni tanlash bosqichlari, tadqiqot rejasini tuzish;ilmiy bilishda umumiy va xususiy metodlar; ilmiy-metodik adabiyotlardan foydalanish; fanning o’ziga xos xususiyatlari; ilmiy tadqiqotning amal qilish mexanizmlari haqida tasavvurga ega bo’lishi; tadqiqot strukturasini bilishi va ulardan foydalana olishi;
  
• 
  tadqiqot jarayonini tavsiflash; xulosalarni ta’riflash va olingan natijalarni baholash; empirik va nazariy tadqiqot usullarini farqlash, kengaytirilgan tadqiqot rejasini ishlab chiqish; ilmiy tadqiqotning metodologik tamoyillari; ilmiy loyihalarni tuzish, ilmiy izlanishlarning yo’nalishlari haqidagi ko’nikmalarga ega bo’lishi kerak.
  

2. 
   Asosiy nazariy qism (ma’ruza mashg’ulotlari)
   
   1. 
      Fan tarkibiga quyidagi mavzular kiradi
      

1 – mavzu. Fan ijtimoiy-madaniy hodisa
Fan tushunchasining keng va tor ma’nolari. Fan ijtimoiy-madaniy hodisa sifatida bilim, faoliyat va ijtimoiy institut. Fan tarixiga oid yondashuvlar: prezentizm va antikvarizm, internalizm va eksternalizm, stsientizm va antistsientizm. Fanning mikrokonteksti va makrokonteksti. Fanning funktsiyalari: madaniy funktsiyasining o’ziga xos xususiyatlari. Fanning ijtimoiy tartibga solish funktsiyasi. Bevosita bunyodkor kuch sifatidagi fanda neytrallik va ijtimoiy buyurtma. Fan siyosat vositasi. Fanning ijtimoiy kuch funktsiyasi. Haqiqiy bilimni yaratish funktsiyasi. Mafkuraning fanga munosabati va uning modellari: qoralash; befarqlik; rahnamolik va ekspluatatsiya qilish. Fan taraqqiyotining asosiy bosqichlari. Fanning obrazi. Fanning diffirentsiatsiyasi va integratsiyasi. Fanning ijtimoiy-madaniy mo’ljallari.