Ilmiy izlanish asoslari

Birlamchi hujjatlarga: nashrlarga chop qilingan va chop qilinmagan hujjatlar kiradi. Bunga: kitoblar (hajmi 48 betdan katta broshyuralar), ilmiy, o‘quv, hujjatli, ilmiy-ommaviy va har bir ilm tarmoqlari hamda fanlar kiradi.

Kitob va hujjatlarning ichida ilmiy asosda muhimi bu – monografiya va yig‘malardir. Darsliklar va o‘quv qo‘llanmalar o‘qitish maqsadida tayyorlanadi. Bularda hamma axborotlar ma’lum bir sistemada tayyorlanadiki, u o‘quvchilar uchun oson va qulay bo‘lishi kerak. Agar axborotlar davlat nomidan berilsa, bu rasmiy axborotlar turiga kiradi.

Ilmiy texnik axborotlarning operativ manbai, bu ma’lum vaqtlarda chiqib turuvchi uzlukli nashrlardir. Bularga: jurnallar va gazetalar kiradi. Bundan tashqari, muddatli nashrlar: har xil mehnatlar, olimlarning ishlari majmuasi, yangiliklar va h,k.

Maxsus informativ manbalarga: har xil standartlar, instruksiyalar, turli qoidalar, metodik ko‘rgazmalar va boshqalar kiradi. Axborot manbalarining muhimlaridan biri, bu patent axborotlari hisoblanadi va ularga kashfiyot va ixtirolar, sanoat mulkchiligi va ixtirochilarning haqhuquqi haqida eng yangi axborotlar beriladi. Patent hujjatlari eng yuqori haqiqatga ega, chunki uning yangiligi maxsus ekspertiza va tekshirishdan o‘tkaziladi.

Birlamchi nashr qilinmagan hujjatlarga: ilmiy-texnikaviy hisobotlar, dissertatsiya va deponirlangan qo‘lyozmalar, ilmiy tarjimalar, konstruktorlik hujjatlar, simpozium, seminarlar, ilmiy konferensiyalar, informatsion xabarlar kiradi.