Илмий тадқиқот асослари: 1000 саволга 1000 жавоб тошкент–2019

865 - САВОЛ: 
БАҲОЛОВЧИ САВОЛЛАР – БУЛАР ҚАН-
ДАЙ САВОЛЛАР? 
ЖАВОБ: Баҳоловчи саволлар – булар асосан таълим олув-
чиларнинг ўзлаштиришини аниқлаш мезонлари асосида 
тузилган саволлардан иборат бўлади. Бунда мавзу юзасидан 
таянч иборалар ва мавзу баёни режасига тааллуқли 
маълумотлардан ўзлаштирилганлигини баҳолашга қаратилган 
билимлар аниқланади. 
КЎРСАТМА: Таълим-тарбия жараёнида баҳоловчи савол-
лардан мақсадли фойдаланишга ҳаракат қилиш керак. Бунга 
сабаб баҳоловчи саволлар орқали ўқиш ва ўқитиш, яъни таълим 
олувчи ва таълим берувчининг ҳамкорликдаги фаолияти амалда 
бўлади. Булар эса таълим олувчиларнинг сермаҳсул фаолият 
кўрсаткичларини (коммуникатив қобилиятлиликни, мулоқотга 
киришувчанликни, муаммоли вазиятлардан чиқиб кетишни 
оптимал вариантларини танлай олишликни ва шу кабиларни) 
тенгловчи, таъминловчи, жараёнларини муҳокама қила 
оладиган ва ривожлантира оладиган таълим-тарбиявий 
тадбирлардир. 

---

548 
866 - САВОЛ: 
БЎЛАЖАК ЎҚИТУВЧИЛАРНИ ИНТЕЛ-
ЛЕКТУАЛ ФАОЛИЯТГА ТАЙЁРЛАШДА 
ҚАНДАЙ АНКЕТА МЕТОДЛАРИДАН 
ФОЙДАЛАНИШ МУМКИН? 
ЖАВОБ: Бўлажак ўқитувчиларни интеллектуал фаолиятга 
тайёрлашда қуйидаги йўналишларда анкета методидан фой-
даланиш мақсадга мувофиқ: 

Бўлажак ўқитувчилар онгида интеллектуал ресурс ҳақидаги 
билимларни таркиб топтириш; 

Бўлажак ўқитувчилар онгида интеллектуал салоҳият 
ҳақидаги билимларни шакллантириш; 

Бўлажак ўқитувчилар онгида интеллектуал фаолият ҳақи-
даги билим, кўникма ва малакаларни шакллантириш ва шу 
кабилар. 
КЎРСАТМА: Квалиметрия ва ахборотларни ўзлаштириш каби 
маълумотлар устида бажариладиган амаллар натижалари 
анкеталар методининг амалий аҳамиятини янада юксалтиришга 
мустаҳкам асос бўла олади.