Илмий тадқиқот асослари: 1000 саволга 1000 жавоб тошкент–2019

705 - САВОЛ: 
МАСОФАДАН ЎҚИТИШ ТЕХНОЛОГИЯСИ 
ДЕГАНДА НИМАНИ ТУШУНАСИЗ? 
ЖАВОБ: Масофадан ўқитиш технологияси – 1969 йилда 
Англияда 
бош 
вазири 
Г.Вильсон 
ташаббусига 
кўра 
шакллантирилган, дейилади. Аммо у анча илгари барқарор ва 
мунтазам почта алоқалари шаклланиши даврида юзага келган. 

---

463 
1858 йилдан бошлаб Лондон университетида барча хоҳловчиларга 
уларнинг қай тарзда билим олишларидан қатьи назар, барча 
ихтисосликлар ва барча соҳалардаги академик даража учун 
имтиҳон топширишга ижозат берилган. 1938 йилдан буён сиртқи 
таълим бўйича Халқаро Кенгаш, 1982 йилдан бошлаб масофавий 
таълим бўйича Халқаро Кенгаш номи билан машҳур бўлган энг 
эски халқаро таълим ташкилотларидан бири сифатида фаолият 
кўрсатмоқда. 
КЎРСАТМА: 1. Ҳозирги вақтда Европанинг ҳар бир мамлакатида 
масофадан ўқитишни жорий этган таълим муассасалари анча кўпайди. 
АҚШ, Канада, Англия, Германия ва Франция мамлакатларининг 
етакчи олий ўқув юртлари ўзларининг телекоммуникация тизими ёки 
тармоғига эга. 
2. Масофадан ўқитиш технологияларини яратишнинг жаҳон 
тажрибасини ўрганиш шуни кўрсатадики, таълимни компьютер 
тармоғидан фойдаланиб амалга оширилиши тамойили жиҳатидан 
ривожланувчи техник тизим тарзида қаралади. Шу сабабли, таълим 
олувчиларни мустақил таълим олишга ўргатишда мазкур техно-
логиядан фойдаланишга уларнинг замонавий интеллектуал сало-
ҳиятини янада юксалтиришда муҳим асос бўлади. 
706 - САВОЛ: 
МАТЕРИАЛНИ ЎРГАНИШНИНГ СОДДА 
УСУЛИ ДЕГАНДА ҚАНДАЙ УСУЛ ТУ-
ШУНИЛАДИ? 
ЖАВОБ: Материални ўрганишнинг содда усули. Тадқиқотчининг 
маьлумотларни ўрганишининг энг содда усули – бу қалам ва қоғоз 
ёрдамида йиғиладиган маьлумотлардир. Улар аниқ, ихчам, иложи 
борича жадвал кўринишида ёки схемалик тарзда ифодаланади ва 
маьлумотларни тўплаш ҳамда сақлашга хизмат қилади. 
КЎРСАТМА: Бу босқичдаги ахборотлар вақти келиб муҳим 
фундаментал тадқиқотлар олиб боришга асос ҳам бўлиб қолиши 
мумкин. Шу сабабли маьлумотлар тадқиқот объекти ва вазифалари 
ҳамда уларни такомиллаштириш, ривожлантиришга ҳам хизмат 
қилишини тадқиқотчи ҳеч қачон эсдан чиқармаслиги керак. 

---

464