Илмий тадқиқот асослари: 1000 саволга 1000 жавоб тошкент–2019

 
421 - САВОЛ: 
АХЛОҚИЙ ТУШУНЧАЛАР – БУ НИМА-
НИ АНГЛАТАДИ? 
ЖАВОБ: Ахлоқий тушунчалар – ахлоқий муносабатларда акс 
этиб, ахлоқий категориялар сифатида қабул қилинади. Ахлоқий 
тушунчаларга эзгулик, бурч, виждон, сахийлик, ҳурмат, ҳалоллик, 
поклик, ростгўйлик, кабилар киради. Ахлоқий тушунчаларни 
шунчаки ёд олиш эмас, балки англаб ўзлаштириш, ўз хатти-
ҳаракатларини дастуриламал сифатида қабул қилиш ва ахлоқий 
эътиқодни шакллантириш лозим.

---

298 
КЎРСАТМА: Ахлоқий тушунчалар ахлоқ тузилмасининг 
асосий ҳаракатлантирувчи кучлари вазифасини бажара олади. 
Улар кишиларнинг ахлоқий онги, ҳиссиёти ва ахлоқий хатти-
ҳаракатларида намоён бўлади.
422 - САВОЛ: БАРКАМОЛ ШАХС – БУ КИМ? 
ЖАВОБ: Баркамол шахс – бу адолатли, виждонли, имон-
эътиқодли, меҳр-мурувватли, иродали, ор-номусли, матонатли ва 
чидамли, эркин фикрловчи, ўз халқининг даҳолари учун 
курашувчи, ҳур фикрли ва истиқлол ғоялари билан суғорилган, ўз 
Ватанига фидоийлик билан хизмат қилувчи, тадбиркор ва 
ташаббускор озод шахс. 
КЎРСАТМА: 1. Илмий тадқиқот иши ва унинг натижасини 
кимларга мўжаллаб тайёрланаётганлигини ҳам эътиборга олиш 
керак. 
2. Баркамол шахс тарбиясини миллий-маъанвий қадриятлар 
асосида узлуксиз равишда олиб бориш керак. 
 
423 - САВОЛ: 
БАРКАМОЛ АВЛОД ТАРБИЯСИНИНГ 
МАЪРИФИЙ БОСҚИЧЛАРИ НИМА-
ЛАРДАН ИБОРАТ? 
ЖАВОБ: Бугунги кунда баркамол авлод тарбияси тўла 
маънода миллий тусда олиб борилмоқда. Ёш авлодни ҳар 
томонлама етук, баркамол шахс қилиб тарбиялашда баркамол 
авлод тарбиясининг маърифий босқичлари муҳим аҳамият касб 
этади. Улар қуйидагилардан иборат: 

баркамол авлодни тарбиялаб, вояга етказиш орзуси; 

орзуга эришиш мақсад ва вазифаларини ишлаб чиқиш; 

орзуга эришиш йўлининг оптимал вариантини танлаш; 

узлуксиз таълим тизимини тўлиқ амалга ошириш; 

узлуксиз таълим таркибларини такомиллаштириб бориш; 

“Кадрлар тайёрлаш миллий дастури”нинг истиқболли 
вазифаларини белгилаб бориш; 

Миллий моделни амалда жорий этиш йўлларини мунтазам 
равишда замонавий талаблар асосида такомиллаштириб бориш; 

---

299 

Рақобатбардош мутахассислар тайёрлашни одатий ҳолга 
келтириш; 
КЎРСАТМА: Педагогика назариясидан инновацион таълим 
технологияларини яратиш борасидаги ижодий ишларингизда 
баркамол авлодни шакллантиришнинг методологик асосларига 
кўпроқ эътибор қаратинг.