Илмий тадқиқот асослари: 1000 саволга 1000 жавоб тошкент–2019

 
419 - САВОЛ: 
АХЛОҚИЙ ТАРБИЯДА ҚАНДАЙ СИФАТ-
ЛАР ТАРБИЯЛАНАДИ? 
ЖАВОБ: Ахлоқий тарбияда қуйидаги сифатлар шаклланади: 
меҳнатсеварлик, ватанпарварлик, ҳақиқатгўйлик, адолатпарварлик, 
бурч, масъулият, виждон, ғурур кабилар инсоннинг ички руҳий 
ҳиссиётлари. 
КЎРСАТМА: Ахлоқий тарбиянинг инсонни ўзгаларга зарар 
етказмайдиган, жамиятда фақатгина ўз ўрини бўлибгина қолмай, 
балки ўзгаларга ҳам нафи тегадиган қилиб тарбиялашдан иборат 
мақсади борлигини доимо эсда тутинг. 

---

297 
 
420 - САВОЛ: 
АХЛОҚИЙ ТАРБИЯНИ БЕРИШНИНГ 
ҚАНДАЙ УСУЛЛАРИ БОР? 
ЖАВОБ: Ахлоқий тарбия бериш усуллари қуйидагилардан 
иборат:

Ахлоқий тарбияни ўқитиш жараёни билан қўшиб олиб бориш 
усули; 

Ахлоқий тарбия жараёнининг муваффақияти ўқитувчилар 
жамоасининг савиясига боғлиқлигнини эътиборга олиш усули; 

Тарбиявий ишларнинг режали бўлиш усули; 

Ўқув муассасасида ижобий эмоционал шароит яратиш усули; 

Ахлоқий тарбияда онгни, тушунчаларни шакллантиришда 
тушунтириш, ўқитиш, суҳбат, мунозара усулларидан фойдаланиш 
усули; 

Тарбиявий соатлар савиясини ошириш усули; 

Турли-туман тадбирлар, адабий кечалар, байрам, фестиваллар, 
мусобақалар ўтказиш усули; 

Дарс жараёни ва дарсдан ташқари машғулотларда шарқ ва 
миллий анъаналар акс этган асарлардан, шунингдек, Қуръони карим, 
ҳадис, ҳикматлар ҳамда мутафаккирларнинг одоб-ахлоққа оид 
асарларидан ўқиб-ўрганиш ва ҳ.к. 
КЎРСАТМА: Таълим олувчиларга ахлоқий тарбия беришда 
ахлоқий онг мезонлари ва ахлоқ нормалари (меъёрлари)ларини 
доимо эътиборда тутиш керак.
Ахлоқ нормаси – кишиларнинг хулқ, феъл-атворини тартибга 
солувчи ахлоқий талаблар.