Илмий тадқиқот асослари: 1000 саволга 1000 жавоб тошкент–2019

207 - САВОЛ: ВАЛЕОЛОГИЯ НИМА ҲАҚИДАГИ ФАН? 
ЖАВОБ: Валеология – “vale” – лотинча қадимги Рим-
ликларнинг одатига кўра, саломлашиш, яъни “Сизга саломатлик 
тилайман”, русчада “буд здровь”, “будьте здрове”, “logos” (грекча) 
– таълимот деган маънони англатиб, соғлом турмуш тарзини 
шакллантиришнинг усул ва услубларини ишлаб чиқувчи ҳамда 
уларни амалиётга жорий этишга кўмаклашувчи фан. 
Валеология (юнонча “valeo” – соғлом, саломат бўлиш) – бу оқ 
илонга ва соғлом турмуш тарзи ҳақидаги фан бўлиб, у ҳозирги 
замонда турли тармоқ фанлари билан алоқадорликда ривожланиб 
бормоқда ва фуқароларнинг индивидуал саломатлигини сақлаш 
ҳамда мустаҳкамлаш услубларини ишлаб чиқишни ўзининг 
асосий вазифаси деб ҳисоблайди. 
КЎРСАТМА: Ўзининг соғлом турмуш тарзини мустаҳкам 
таркиб топтираман деган ҳар қандай одам валелогия фанига 
тегишли талабларга тўлиқ жавоб бериш керак ва бу борада у ҳар 
қандай одамни кўзланган мақсадга эриштира олади. 
 
208 - САВОЛ: 
ВИЗУАЛ МАЪРУЗА – БУ ҚАНДАЙ 
МАЪРУЗА? 
ЖАВОБ: Визуал маъруза – бу кўргазмали маърузадир. Бунда 
асосий ўқитиш методи кўргазмали намойиш бўлиб, унда кино, 
теле ва видео кадрлар, слайдлар, дискдаги ахборотлар ўқитувчи 
томонидан шарҳланади. 
КЎРСАТМА: Визуал маърузани мультимедиа воситаларидан 
фойдаланган ҳолда амалга оширилса, ундаги ахборотлар таълим 
олувчилар хотирасида абадий муҳрланиб қолади. 

---

156 
 
209 - САВОЛ: 
ВЕРИФИКАЦИЯ ҚИЛИШ ДЕГАНДА 
НИМАНИ ТУШУНАСИЗ? 
ЖАВОБ: Верификация қилиш – бу муайян фан соҳаларида 
матн материалини қўллашнинг усулларидан бири бўлиб, унинг 
ёрдамида назарий қоидаларнинг ҳуқуқийлигини текшириш ва 
тасдиқлаш амалга оширилади. Бундан ўқитувчи талабалар илгари 
қўллаб келган қарашларни тасдиқлаш ёки инкор этиш учун 
фойдаланилади. 
КЎРСАТМА: Верификация қилиш учун фойдаланиладиган 
матн ўқитувчи – талабаларга тўғридан-тўғри ёки билвосита тарзда 
тасдиқланган маълумотлар ўртасидаги фарқни аниқлашга ёрдам 
бериши керак.