Илмий тадқиқот асослари: 1000 саволга 1000 жавоб тошкент–2019

673 - САВОЛ 
АХБОРОТ ТЕХНОЛОГИЯСИ ФАНИ НИ-
МАЛАР ҲАҚИДА БАҲС ЮРИТАДИ? 
ЖАВОБ: Ахборот технологияси фани – бу ахборотларни 
йиғиш, қайта ишлаш ва режалаштирилган мақсадни амалга оши-
ришда ахборотларни узатишни ҳамда қайд этилган жараёнларни 
амалга оширишда техник воситалардан фойдаланишни ўрга-
тадиган фан.
КЎРСАТМА:1. Ахборот технологияси фани таълим ва кадр-
лар тайёрлаш жараёнини ахборотлаштиришнинг оптимал вариант-
ларини топишда асосий интеллектуал манба бўлиб ҳисобланади, 
шунингдек, илмий тадқиқот ва лойиҳалаш ишлари ҳамда 
таълимни бошқаришда ҳам тўғри ва истиқболли қарорлар қабул 
қилишда маьлумотларга таяниш имкониятларини кафолатлайди.
2. Ахборот технологияси фани кишининг замонавий 
интеллектуал салоҳиятини юксалтиришда кенг қамровли муҳим 
асос бўлиб ҳисобланади ва дунё бўйича муайян соҳага оид 
янгиликлардан тезкор хабардор бўлишликни кафолатлайди.
675 - САВОЛ: 
АХБОРОТЛИ ТАЪЛИМ МУҲИТИ – БУ 
ҚАНДАЙ ЖАРАЁН МАҲСУЛИ? 
ЖАВОБ: Ахборотли таълим муҳити – бу ўрганувчи, ўргатувчи 
ва янги ахборот технологиялари воситалари ўртасидаги ўқув 

---

445 
ахборотли хатти-ҳаракатлар жараёни пайдо бўлиши, ривож-
ланишига имкон берувчи шарт - шароитлар мажмуаси ҳамда 
муайян ўқув курси бўйича предметли мазмуни муҳити ком-
понентлари (компьютерга улашувчи турли хил ўқув, намойиш 
қилувчи жиҳозлар, дастурий воситалар ва тизимлар, ўқув кўр-
газмали қуроллар ва бошқалар) жамланган шароитда ўрганув-
чининг (ўргатувчининг ҳам) фаол билиш фаолиятини шакллан-
тириш жараёнидир.
КЎРСАТМА:Ахборотли – таълим муҳитидан амалиётда 
фойдаланишда энг аввало унинг мақсадини чуқур ўрганиб чиқиш 
керак ва бу орқали режалаштирган натижага эришиш 
кафолатланади. Ахборотли – таълим муҳитининг асосий мақсади 
эса қуйидагидан иборат: шахснинг ижодий ташаббускорлик 
қобилияти ва потенциалини ривожлантириш асосида таълим 
олувчиларга билимларни мустақил эгаллаш ва уларни сифатли 
ўзлаштириш учун шарт-шароит яратиш ҳамда ўқитиш 
натижаларини таҳлил қилишни автоматлаштиришни таьминлаш.