Илмий тадқиқот асослари: 1000 саволга 1000 жавоб тошкент–2019

 
537 - САВОЛ: 
ЯНГИ ПЕДАГОГИК ТЕХНОЛОГИЯ – БУ 
ҚАНДАЙ ТИЗИМ? 
ЖАВОБ: Янги педагогик технология – бу таълим мақсадларини 
аниқлаб, ўқув жараёни режасини тузиб, уларни жорий этиш ёрдамида 

---

361 
таълим самарадорлигини оширувини таъминловчи ўқув жараёнининг 
оптимал бошқарувини ўз ичига олган ягона тизимдир. 
КЎРСАТМА: Илғор педагогик технологияни яратишда унинг 
натижаси нимадан иборат эканлигини башорат қилинг (лойиҳа-
лаштиринг) ва шу асосда бу борадаги ижодий фаолиятингизни 
мувофиқлаштиринг. 
538 - САВОЛ: 
ЯНГИ ПЕДАГОГИК ТЕХНОЛОГИЯНИНГ 
АФЗАЛЛИКЛАРИ НИМАДАН ИБОРАТ? 
ЖАВОБ: Янги педагогик технологиянинг афзалликлари 
қуйидагилардан иборат: 

профессор - ўқитувчи ҳам, талаба ҳам қулай вазиятлардан 
фойдаланиб тушунтириш ва тушуниш имкониятига эга бўлади; 

талабаларнинг билим ва кўникмаларини эгаллаш самараси 
ошади; 

дарсни юқори савияда – сифатли олиб бориш учун шароит 
яратилади; 

ўқитишнинг энг прогрессив усулларидан фойдаланишга 
имконият яратилади; 

ўқитувчи ва талабаларнинг ҳамкорлигида нафақат ўзи учун 
янги билимлар ўзлаштирилади, балки бунда талаба янгича 
кашфиётлар яратиш оғушида бўлади; 

мавзу мазмунини тўлиқ ўзлаштиришга имкон яратилади. 
КЎРСАТМА: Янги педагогик технологияларда ҳам уларнинг 
илмий-назарий асослари билан биргаликда амалий аҳамияти ҳам 
эътиборга олинади. Шу сабабли ҳам уларни ишлаб чиққандан 
кейин уларнинг амалиётда фойдаланишга яроқлилиги экспертиза 
қилинади ва ишончилилиги асосланади. 
 
539 - САВОЛ: 
ЯНГИ ПЕДАГОГИК ТЕХНОЛОГИЯНИНГ 
МУҲИМ ХУСУСИЯТЛАРИ НИМАЛАРДАН 
ИБОРАТ? 
ЖАВОБ: Янги педагогик технологиянинг қуйидаги муҳим 
хусусиятлари бор: 

---

362 

“Тизимли ёндашув” асосида таълим олувчининг ўқув - 
билув фаолиятини ифодалайдаган таълим жараёнини лойи-
ҳалаштириш; 

ўқитувчи томонидан ўз психологик билимларини, 
педагогик мақсадни ҳаётга татбиқ этишга эришиш кўникма ва 
малакаларига эга бўлиш; 

таълим жараёнини олдиндан лойиҳалаш ва таълим олув-
чилар билан қайта ишлаб чиқиш; 

таълим олувчилар имкониятларидан қониқиш мотиваци-
ясида ҳар дарсда ҳар томонлама фойдаланиш; 

мустақил ўрганилаётган билимлар, тушунчалар, шакл-
ланаётган малакалар пайтида ўқитувчи томонидан таълим 
олувчиларнинг роҳатланиши, ўйинларни ишлай билиши; 

таълим мақсадининг реал (аниқ) бўлиши ва унинг 
тузилиши, мазмунининг яхлитлиги ўзаро боғлиқлигига эришиш; 

таълим жараёнида техник воситалар, кўргазмали қуроллар 
ҳамда инсон салоҳиятининг ўзаро таъсирини ҳисобга олиш; 

таълим мақсадини эталон асосида таълим олувчиларнинг 
кузатиладиган, ўлчанадиган ҳаракатлари шаклида ойдинлаш-
тириш; 

таълим олувчининг фаоллигини оширишга эришиш; 

ўқиш жараёнида рўй берадиган хатоларни аниқлаб, тузата 
бориш (имконият борича таълим олувчилар ўзлари ўз хатоларини 
индивидуал билиб, ўзлари коррекция(тузатиш) ишларини олиб 
боришга эришиш); 

таълим олувчилар муваффақиятларини белгиланган мезонлар-
га биноан тест вазифаларини бериб, диагностикалаш (ташхислаш); 

таълимнинг режалаштирилган натижасига эришишнинг 
кафолатланганлиги, самарадорлигининг юқорилиги ва шу кабилар. 
КЎРСАТМА: Илмий педагогик ходимнинг маданий-
маърифий, илмий, маънавий ва интеллектуал салоҳиятини ҳар 
томонлама рўёбга чиқариш учун шарт-шароитлар яратиш ва бу 
соҳадаги муваффақиятларини эътиборга олиш лозим. 

---

363