Илмий тадқиқот асослари: 1000 саволга 1000 жавоб тошкент–2019

 
436 - САВОЛ: 
ИЖТИМОИЙ БИЛИМДОНЛИК ДЕГАН-
ДА НИМАНИ ТУШУНАСИЗ? 
ЖАВОБ: Ижтимоий билимдонлик – бу энг аввало, обрў-эътибор, 
яъни илмий-педагогик ходимнинг ижтимоий жиҳатдан етуклиги, 
маълум ахлоқий тамойилларга эгалиги, шахсий тажриба ва 
кузатишлар асосида ўз мустақил фикрларини шакллантира олиш, 
бошқа шахсларга таъсир кўрсата олишлиги, шахслараро ва якка шахс 
билан гуруҳ орасидаги муҳитларни яхшилай олиш каби қобилиятлар 
мажмуасидир. 
КЎРСАТМА: Табиат ва жамиятда кечаётган жараён ва
ҳодисалар ҳақида мукаммал тасаввурга эга бўлиш, табиат ва жамият 
ривожланиши ҳақидаги билимларни эгаллаш ҳамда улардан 
замонавий илмий асосда ҳаётда ва ўз касбий фаолиятида фойдалана 
билиш учун ҳар қандай инсон узлуксиз ижодий фаолият билан 
шуғулланиши керак. 
 
437 - САВОЛ: 
ИЖТИМОИЙ 
ПЕДАГОГИКА 
ФАНИ 
НИМАНИ ЎРГАНАДИ? 
ЖАВОБ: Ижтимоий педагогика фанини фан сифатида 
ўрганишга XIX асрнинг иккинчи ярмидан бошлаб киришилди. 
Асосан, уни 1908 йилдан бошлаб фан сифатида тан олинди. 
Ижтимоий педагогика фани қуйидагиларни ўрганади: 

мулоқот муомала қонуниятларини;

шахслараро муносабатларни ва индивидуал ҳамда 
жамоавий ўзаро таъсирларни; 

жамоаларнинг ички ва ташқи тузилишини, уларнинг 
турлари ва таснифини; 

оммавий ҳолатлар ва ҳаракатларни; 

ижтимоий ва миллий онг, менталитет, миллий қиёфа, 
характер, анъана, одат, маросим ва бошқаларни ўргатади. 

---

307 
КЎРСАТМА: 1. Педагогик илмий тадқиқот ишида миллий-
маънавий ва умуминсоний қадриятлардан иложи борича кўпроқ 
фойдаланишга эришишга эътибор қилиш керак.
2. Педагог илмий тадқиқот ишларини олиб боришда инно-
вацион таълим технологияларини ишлаб чиқишга кўпроқ эътибор 
бериш лозим.