Илмий тадқиқот асослари: 1000 саволга 1000 жавоб тошкент–2019

 
456 - САВОЛ: 
ИНТЕРФАОЛ 
УСУЛНИНГ 
МАҚСАД-
ВАЗИФАЛАРИ НИМАЛАРДАН ИБОРАТ? 
ЖАВОБ: 
Интерфаол 
усулининг 
мақсад-вазифалари 
қуйидагилардан иборат: 

Таълим олувчиларни эркин, мустақил, танқидий, таҳлилий, 
мантиқий, ижодий фикрлаш ва улар асосида тўғри қарор қабул 
қилишга ўргатиш; 

Таълим олувчиларнинг муаммоли вазиятлардан қийналмай 
чиқа олишига, назарий ва амалий ҳамда касбий (ҳаётий) 
топшириқларни бажаришини уддалашга ўргатиш; 

Таълим олувчиларни фикрлашга ундаш орқали уларни 
изланишга ва ижодкорликка йўналтириш; 

Таълим олувчидаги ҳамкорликнинг самарали йўлларини ва 
касбий билим, кўникма ҳамда малакаларни эгаллашига бўлган 
хатти-ҳаракатларини фаоллаштириш; 

Таълим олувчиларни ташкилотчилик, бошқарувчилак 
(раҳбарлик) ва йўналтирувчиликка ундаш ва ҳ.к. 
КЎРСАТМА: Таълимнинг методологик асосларнии ўзлаш-
тириш ва татбиқ этишда қайси фан ютуқларидан фойдаланишни 
режалаштирсангиз ўша фан мақсад-вазифалари эътиборингизда 
бўлсин ва улар ишингиз натижасини баҳолашда ҳамда айниқса, 
методологик асосларни ёритишда жуда керак бўлади. 
 
457 - САВОЛ: 
ИНТЕРФАОЛ УСУЛЛАРДАН ФОЙДА-
ЛАНИШ ВОСИТАЛАРИ НИМАЛАРДАН 
ИБОРАТ? 
ЖАВОБ: Интерфаол усуллардан фойдаланиш воситалари 
қуйидагилардан иборат: 

касбий дидактик ўйинлар; 

ролли ўйинлар; 

касбий компьютерли ўйинлар; 

интерфаол ўқув адабиётлари; 

---

317 

интерфаол техника воситалари; 

методик маҳсулотлар; 

интеллектуал маҳсулотлар ва ҳ.к. 
КЎРСАТМА: Фаол таълимни уюштириман, деган ҳар қандай 
таълим берувчи интерфаол усулнинг қуйидаги шаклларига 
эътибор бериши шарт: машғулот топшириқларини индиви-
дуаллаштириш; ўзаро фаол ва ижодий ҳамкорлик қила оладиган 
майда гуруҳларга ажратиш, гуруҳдаги таълим олувчиларни 
интеллектуал салоҳиятларига қараб табақаларга ажратиш ва улар 
орасидаги тафовутга эътибор бериш; таълим бериш ва ўрганиш 
жараёнидаги эркин мулоқот қила олиш муҳитини яратиш; таълим 
олувчи ва таълим берувчи ўртасида ҳамда кичик (ажратилган) 
гуруҳлар ўртасидаги эркин мулоқот, ижодий ҳамкорлик, фойдали 
“баҳс-мунозаралар”ни ташкил этишга эришиш ва ҳ.к.