Илмий тадқиқот асослари: 1000 саволга 1000 жавоб тошкент–2019

 
236 - САВОЛ: 
ИНФОРМАТИКА ФАНИ НИМАЛАРНИ 
ЎРГАНИШ БИЛАН ШУҒУЛЛАНАДИ? 
ЖАВОБ: Информатика фани. Информатика – (французча 
“informatiqul”, немисча “Informatik” - ахборот) – ахборотшунослик – 
илмий информациялар (ахборот, хабар, маълумот)нинг моҳияти, 
умумий хоссалари ва қонуниятларини, шунингдек, илмий 
коммуникация тизими (ўша илмий информацияни тарқатиш 
усуллари ва воситалари мажмуи)ни ўрганиш билан шуғулланадиган 
илмий фан, инсон фаолиятининг ЭҲМ, компьютер билан боғлиқ 
соҳа. 
Информатика фанининг марказий тушунчаси – ижтимоий 
ҳаётнинг исталган соҳаси ва тармоқларидан олинадиган маълумот-
лар, яъни илмий ахборотлар. 
Информатика 
фани 
кибернетика, 
кутубхонашунослик, 
лингвистика, глобалистика, синергетика, математик мантиқ каби 
фанлар билан боғлиқ. 
Информатика фани илмий маълумотларни йиғиш, ишлаб 
чиқариш (яратиш, ўргатиш), сақлаш, излаш ва узатиш (тарқатиш) 
жараёнлари мажмуини ўз ичига олади. 

---

175 
Информатика фанининг асосий йўналишлари: ҳисоблаш техни-
касининг назарий асослари; информация назарияси; дастурлаш; 
информация технологияси ва шу кабилардан иборат. 
КЎРСАТМА: Илмий тадқиқот ишларини олиб боришда ин-
форматика фанининг метод ва усулларидан фойдаланишга ҳаракат 
қилиш керак. Бунга сабаб у математик методлар ва ҳисоблаш тех-
никалари воситалари ёрдамида маълумотларни йиғиш, ўлчаш 
(баҳолаш), сақлаш, қайта ишлаш ва узатишнинг метод ва қону-
ниятларини амалиётга жорий этишга кенг имкониятлар яратади. 
 
237 - САВОЛ: 
ЙЎРИҚНОМА ТЕХНОЛОГИК ХАРИТА – 
БУ ҚАНДАЙ МАЖМУА? 
ЖАВОБ: Йўриқнома технологик харита – мажмуавий 
(интегратив) дарс машғулотларини олиб боришда тушунчалар 
(билимлар)нинг қатъий изчиллиги ва унда ифодаланган 
маълумотларни ахборот кўринишга келтириб ўрганиш бўйича 
усуллар, йўллар, кўрсатмалар ва навбатдаги тушунча (би-
лимлар)ни ўрганишга кўрсатмали – технологик топшириқларнинг 
тўла ва мукаммал режасидир. 
КЎРСАТМА: Ҳар қандай машғулотда, айниқса интерфаол 
машғулотларда йўриқнома технологик харитани ишлаб чиқа-
ришга ҳаракат қилиш керак. Бунга сабаб, улар машғулотни 
қоидали қилиб олиб боришга йўриқнома бўла олади.