Илмий-оммабоп биографик тўплам

.................................................................................................................................................. 
23 
Дарҳақиқат, жамики инсоннинг билимдон бўлиб етишиши, 
фан сирларини эгаллаши ѐки бирор соҳанинг мукаммал 
мутахассисига айланишида устозларнинг ўрни беқиѐсдир.
Шогирднинг ютуқларини кўриб, халқимизнинг “Тарбия 
берган устозингга балли!”, деган таҳсини бежиз айтилмайди.
Бу самимий, ҳароратли миннатдорчиликка сазовор шогирд 
кенг жамоатчилик олдида имтиҳондан ўтган, ўзига билдирган 
ишончни оқлаган ҳисобланади.
Бизнинг Жумаев домла ана шундай таҳсинга лойиқ 
шогирдлар етиштириб келаѐтган фидойи устоздир. 
“Шогирд камоли – устоз жамоли” деган нақл ҳам беҳуда 
айтилмаган. Устозимиз Жумаев домла шогирдлари онгу 
шуурини илми ирфон билан бойитса, қалбини адолат, меҳр-
оқибат, тўғрилик, садоқат, жасорат, меҳнатсеварлик сингари 
чин инсоний фазилатлар ила бойитади ва бунда аввало ўзи 
ўрнак бўлади. 
Шу жиҳатдан, файласуф Френсис Бэконнинг фикрлари 
диққатга сазовордир. У кўплаб шогирдлар орттирган олимлар- 
ни уч гуруҳга бўлади. “Биринчи гуруҳ олимлар, – дейди у, – 
ўз “мен”и атрофида ўралашиб қолган олимлардир, уларни 
ўргимчакка қиѐс этиш лозим. Чиндан ҳам, ўргимчак жуда 
моҳир, тўқиган тўрини ясаш бошқанинг қўлидан келмайди. 
Лекин у тўр ўргимчакдан ўзга ҳеч кимга керак эмас. 
Иккинчиси – бу чумолилар йўли. Чумолилар ҳеч нарса ижод 
этмайдилар. Аммо меҳнаткашдирлар, шунинг учун ҳамма 
нарсани ўз уяларига ташиб кетадилар. Уларнинг бойлигидан 
биров баҳраманд бўлмайди. Учинчи йўлни танлаганлар эса – 
мутафаккирлардир. Бу тоифа донишмандларнинг моддий ва 
маънавий қанотлари бор. Улар асаларилардир. Асаларилар 
гулдан-гулга қўнар экан, қатралаб бол йиғиб, одамларга 
беради, ўзларига олиб қолмайди”. 
Профессор Маманазар Эргашевич мазкур таъриф бўйича 
учинчи тоифага кирувчи заҳматкаш устоздир. У кишини мен 
2007 йилдан бери танийман. Домланинг мақсадлари ҳамиша 
эзгулик билан йўғрилган. Шогирдларнинг фикрларини қунт 

---

 У М Р И Н И К А М Т А Р Л И К 60 
Б Е З А Г А Н И Н С О Н