Илмий фаолиятга тайёргарлик асослари

ГЛОССАРИЙ 
 
 

---

132
ГЛОССАРИЙ 
Абстрактлаштириш – бошқа барча параметрларни ҳисобга 
олмасдан битта ажратилган параметрни алоҳида ҳолида кўриб чиқадиган 
тадқиқотчилик услуби. 
Долзарблик – ушбу муаммонинг ҳозирги фан ва амалиёт учун 
ўрганилишининг муҳимлиги; долзарблик даражаси глобал тусда (фан, 
жамият эҳтиёжлари, умуман амалиётни қамраб олиши) ёки локал тусда 
(фаннинг алоҳида тармоғи, алоҳида минтақа, муайян тусдаги ижтимоий 
институтларни ва шу кабиларни қамраб олиши) бўлиши мумкин. 
Диссертация мавзуининг долзарблиги – бу унинг ижтимоий 
назария ва амалиёт учун керакли эканлиги бўлиб, фанда кўпинча олдинги 
назарий тасаввурлар доирасига яққол жойлашмайдиган янги фактларнинг 
кашф қилиниши натижасида вужудга келадиган вазиятнинг мавжудлиги 
билан белгиланади. 
Тадқиқот долзарблигини асослаш - илмий билишнинг умумий 
жараёни соҳасида мазкур мавзуни ўрганиш заруратини изоҳлашни 
билдиради. 
Таҳлил – бу тадқиқотнинг назарий услуби бўлиб, тадқиқ 
қилинаётган жараён ёки ҳодисани махсус ва теран мустақил ўрганиш учун 
уни таркибий қисмларга ажратишни назарда тутадиган фикрий 
операциядир.
Аналогия – ўхшашлиги, прототипи танланадиган фикрий операция.
Аннотация - титул варағининг орқасида жойлашган, қандайдир 
нашр ҳақидаги қисқача ахборот; ҳужжат, унинг бир қисми ёки ҳужжатлар 
гуруҳининг вазифаси, мазмуни, шакли ва бошқа хусусиятлари нуқтаи 
назаридан тавсифномаси. 
Суҳбат – эмпирик услуб бўлиб, жавоб берувчи билан шахсий 
алоқани назарда тутади.
Илмий мавзулар турлари: амалий, аралаш, назарий. 
• Амалий мавзулар хўжалик амалиётини ўрганиш, умумлаштириш ва 
таҳлил қилиш асосида ишлаб чиқилади. 
• Аралаш мавзулар тадқиқотнинг назарий ва амалий жиҳатларини 
ўзида мужассамлаштиради. 
• Назарий мавзулар асосан адабий манбалардан фойдаланиб ишлаб 
чиқилади.