Ilm sahroda do’st, hayot yo’llarida tayanch, yolg’izlik

Tushumlar  yoki  to’lovlar.
  Davlat  boshqaruvi  sektori  idoralari  bilan  milliy 
iqtisodiyotning  boshqa  sektorlari,  institutsional  birliklari  o’rtasidagi  qilinadigan 
moliyaviy harakatlar (operatsiyalar)ni tushumlarga yoki to’lovlarga kiritish mumkin, ular 
qaytariladigan  yoki  qaytarilmaydigan  asosida  bo’lishi  mumkin.  Keyinchalik,  to’lovlar 
qilish  majburiyatlari  belgilangan  operatsiyalar  (muayyan  muddati  ko’rsatilgan)  shunday 
majburiyatlarni  oldindan  ko’zda  tutmaydigan  operatsiyalardan  farqlanadi.  Aktivlar  va 
majburiyatlarni  bir  yo’la  paydo  qiluvchi  barcha  operatsiyalar  o’z  navbatida 
majburiyatlarni  tugatish  (bajarish)  operatsiyalarini  ham  taqozo  etadi.  Davlat  tomonidan 
qarz  olishlar  (ssuda  olish  yoki  qimmatli  qog’ozlar  chiqarish  orqali)  hamda  davlat 
idoralari  tomonidan  mablag’larni  kreditlash  qaytariladigan  operatsiyalar  turkumiga 
kiradi. Naqd soliq to’lovlari va naqd pulga tovar va xizmatlar xaridi keyinchalik to’lov va 
majburiyatlarni    keltirib  chiqarmaydi  va  shuning  uchun  ular  qaytarilmaydigan 
operatsiyalar turkumiga kiradi.