Ilm sahroda do’st, hayot yo’llarida tayanch, yolg’izlik

 
10.3. Institutsional birliklarning  moliyaviy holati  
va barqarorligi ko’rsatkichlari 
 
Bozor  iqtisodiyoti  sharoitida  korxona  va  tashkilotlarning  moliyaviy  holati  va 
barqarorligi  muhim  ahamiyat  kasb  etadi,  chunki  korxonaning  rivojlanishi  asosan  o’z 
mablag’lari  hisobidan  amalga  oshiriladi.  Bu  -  birinchidan.  Ikkinchidan,  korxona  bilan 
hamkorlik  qilmoqchi  bo’lgan  firmalar  va  potentsial  investorlar  ishni  boshlashdan  oldin, 
korxonaning moliyaviy holati va barqarorligi bilan yaxshi tanishib chiqadi. 
Korxonaning  moliyaviy  holati  va  barqarorligini  baholashda  ma’lumot  manbai 
bo’lib  korxona  balansi  (sh.№1),  korxona  (tashkilot)  faoliyatining  asosiy  ko’rsatkichlari 
to’g’risida hisobot (shakl № 1-f) xizmat qiladi. 
Korxonaning  moliyaviy  holati  va  barqarorligi  shunchalik  ko’p  qirraliki,  uni  bitta 
ko’rsatkich  bilan  baholab  bo’lmaydi.  Ayrim  olimlarning  ta’kidlashicha,  ularni  soni  80 
dan  ortiq  ekan.  Ularning  eng  muhimlari  va  keng  qo’llanadiganlari  bilan  tanishib 
chiqamiz.