Ilm-fan va ta’limda innovatsion yondashuvlar, muammolar, taklif va

“UzACADEMIA” scientific-methodical journal
 
 
 
 
132 
www.academiascience.uz
 MAKTABGACHA YOSHDAGI BOLALARNI INGLIZ TILIGA 
ERTAKLAR ORQALI QIZIQTIRISH 
 
Israilova Dildora Athamovna
Mustaqil izlanuvchi MTMRMQTUMOI 
 
Ilmiy rahbar: Abdunazarova Nargiza Fathullaevna,
pedogogika fanlari nomzodi, dotsent 
 
Annotatsiya: 
Ushbu maqolada maktabgacha yoshdagi bolalarga chet tili, 
jumladan ingliz tiliga ertaklar, xalq og`zaki ijodi namunalari orqali qiziqtirish 
masalalari muhokama etiladi. 
Kalit so‗zlar:
ertak, folklor, maktabgacha yosh, o‗ziga xoslik, madaniyat, urf-
odatlar, axloqiy tamoyillar, milliy turmush tarzi, ifoda etmoq, ta‘lim, tarbiya. 
 
KIRISH 
Maktabgacha ta‘lim tashkilotlarida chet tilini o‗qitishning maqsadi - og‗zaki 
madaniyatlararo muloqot qilish qobiliyatida amalga oshiriladigan o‗quvchilarning 
kommunikativ kompetensiyasini shakllantirishdir. 
Chet tili ta‘limi doimo ta‘lim, tarbiya va rivojlanish saloxiyatiga ega bo‗lgan 
mavzulardan biri bo‗lib kelgan. Bolalar bog‗chasida bolalar og‗zaki adabiy til 
me‘yorlarini o‗zlashtira boshlaydilar. Nutqning maqsad va vazifalariga muvofiq turli 
xil aloqa sharoitlarida til vositalaridan foydalanishni o‗rganadilar. Shu bilan birga, 
pedagog bolalarga nutqqa qo‗yiladigan talablarni tushunishda yordam beradi, 
fikrlarini shakllantirishda til vositalarining to‗g‗riligini, aniqligini, xilma-xilligini, 
ifodaliligini nazorat qilishni o‗rgatadi. Shu munosabat bilan nutqning lingvistik 
tomonini o‗qitish muammosi eng dolzarb masalalardan biridir. Chet tili o‗qitishning 
ko‗plab usullari mavjud, ammo kichik yoshdagi bolalarga chet tili o‗rgatishda 
bolaning psixologik va fiziologik rivojlanishining xususiyatlari alohida e‘tibor olish 
lozimdir. Yosh bolalar o‗rtasida til qobiliyatlarini rivojlantirishning eng keng 
tarqalgan vositasi sifatida o‗qituvchilar ertakdan faol foydalanadilar.