Ilk qadam o'quv dasturi asosida maktabgacha ta'limni yosh guruhdagi faoliyatlar tahlili haqida malakaviy ishi Reja: i-bob. Maktabgacha ta’limga qо‘yiladigan Davlat talablari «Uchinchi ming yillikning bolasi» tayanch dasturi

Maktabgacha ta’lim tashkilotlaridagi guruhlar davomiyligi

№	Guruhlar	Guruhlar davomiyligi	Uyqu	Ovqatlantirish
1.	bolalar qisqa vaqt bо‘ladigan guruhlar	3-4 soat		bir martalik ovqatlantirish
2.	tо‘liq kunli guruhlar	9, 10, 5 soat	kunduzgi uyqu	uch martalik ovqatlantirish
		12 soat	kunduzgi uyqu	tо‘rt martalik ovqatlantirish
3.	bolalar kechayu kunduz bо‘ladigan guruhlar		kunduzgi va tungi uyqu	besh martalik ovqatlantirish

Maktabgacha ta’lim tashkilotini boshqarish va uning faoliyatini tashkil etish tartibi

Maktabgacha ta’limni boshqarish tizimini takomillashtirish, maktabgacha ta’lim muassasalari faoliyatini moliyalashtirishning shaffofligi va samaradorligini ta’minlash. Sо‘nggi yillarda maktabgacha ta’limni boshqarish tizimida institusional islohotlar amalga oshirildi:

Vazirlik va uning joylardagi hududiy bо‘linmalari tashkil etildi;

zamonaviy boshqaruv shakllarini joriy etish maqsadida davlat maktabgacha ta’lim muassasalarida Kuzatuv kengashlari tashkil etildi;

maktabgacha ta’limni rivojlantirish jamg‘armasi tashkil etildi, uning asosiy vazifalari maktabgacha ta’lim muassasalarining moddiy-texnik holatini yaxshilash, maktabgacha ta’lim tizimi xodimlarini ijtimoiy qо‘llab-quvvatlash tadbirlarini hamda Vazirlik faoliyatini takomillashtirishga qaratilgan boshqa tadbirlarni moliyalashtirishdan iborat;

Toshkent shahrining uchta tumanida hamda Sirdaryo viloyatining Sirdaryo tumanida sinov rejimida jon boshiga normativ moliyalashtirish joriy etilmoqda;

davlat maktabgacha ta’lim muassasalari faoliyatini rag‘batlantirish maqsadida ularga qо‘shimcha pullik xizmatlar kо‘rsatish huquqi berilgan.

Shu bilan birga, maktabgacha ta’limni boshqarish va moliyalashtirish tizimini yanada takomillashtirish qо‘shimcha chora-tadbirlarni amalga oshirishni taqozo etadi, ular qatorida:

1) maktabgacha ta’lim tizimida davlat talablarining monitoringi va ularga rioya etilishining samarali mexanizmlarini yaratish;

2) Maktabgacha ta’lim vazirligi va uning hududiy bо‘linmalari faoliyatining shaffofligi va ochiqligini ta’minlash, jismoniy va yuridik shaxslarga axborot berishning zamonaviy shakllarini joriy etish, jamiyat va biznes bilan о‘zaro hamkorlikda ortiqcha ma’muriy ovoragarchiliklarga barham berish;

3) Vazirlikning boshqaruv jarayoniga ishni rejalashtirish va tashkil qilishning zamonaviy innovatsion usullarini, sifat menejmenti tizimlarini, aniq natijalarga erishishga qaratilgan maqsadli indikatorlarni, xodimlarni tanlab olish, motivatsiya qilish, rivojlantirish va baholash usullarini joriy etish;

4) jismoniy va yuridik shaxslar murojaatlari bilan ishlash tizimini yanada takomillashtirish, aholi bilan ochiq muloqotni, jumladan, axborot texnologiyalaridan foydalangan holda yо‘lga qо‘yishning yangi samarali mexanizmlari va usullarini joriy etish;

5) maktabgacha ta’lim muassasalarining turlari, shakllari va ixtisoslashtirilganligini hisobga olgan holda, butun respublika bо‘yicha maktabgacha ta’limni jon boshiga normativ moliyalashtirishni izchil joriy etish;

6) maktabgacha ta’lim sohasida byudjetdan moliyalashtirishni boshqarishdagi yangi yondashuv sifatida, maktabgacha ta’lim muassasalari xizmatlariga davlat buyurtmasini joriy etish;

7) davlat maktabgacha ta’lim muassasalarining ishlashdan maqsadlarini hamda tovarlar va xizmatlarni tabiiy kо‘rinishda iste’mol qilishning oqilona meyorlarini hisobga olgan holda ularni moliyalashtirishning yangi normativlarini ishlab chiqish hisobiga maktabgacha ta’lim xizmatlaridan keng aholi qatlamlari foydalanishini ta’minlash;

8) moliyaviy nazorat, maktabgacha ta’lim muassasalari tomonidan byudjet qonunchiligi buzilishining oldini olish va profilaktikasini amalga oshirish mexanizmlarini yanada takomillashtirish;

9) maktabgacha ta’lim tizimiga xorijiy investitsiyalar va grantlarni jalb qilish, ular ishtirokidagi amaldagi loyihalarni qо‘llab-quvvatlash [6].

О‘zbekiston Respublikasining “Maktabgacha ta’lim va tarbiya tо‘g‘risida”gi qonunning 7-moddasida maktabgacha ta’lim va tarbiya sohasidagi davlat siyosatining rо‘yobga chiqarilishini amalga oshiruvchi organlar berilgan. Maktabgacha ta’lim va tarbiya sohasidagi davlat siyosatining rо‘yobga chiqarilishini amalga oshiruvchi organlar quyidagilardan iborat:

О‘zbekiston Respublikasi Vazirlar Mahkamasi;

О‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi (bundan buyon matnda Davlat inspeksiyasi deb yuritiladi);

О‘zbekiston Respublikasi Maktabgacha ta’lim vazirligi;

О‘zbekiston Respublikasi Sog‘liqni saqlash vazirligi;

о‘z tasarrufida maktabgacha ta’lim tashkilotlari bо‘lgan boshqa davlat va xо‘jalik boshqaruvi organlari;

mahalliy davlat hokimiyati organlari (1.6-jadvalga qarang) [3]:

1.6-jadval.