1. Matematika oqitiw metodikasi maqseti hám waziypalari.
I-IV klasslardiń matematika dásturi ,,Túsindiriw xati'' nda kórsetiliwinshe matematika balalarda pikir,este saqlaw,diqqat ,óz betinshe islew,baqlawshiliqti rawajlandiriwǵa járdem beredi.Matematika oqiwshilardiń logikaliq pikirlerin qisqa,aniq,túsinikli hám duris bayan etiwdi úyretiw ushin bar tiykarlardi jaratadi.I-IV klasslarda matematikaǵa oqitiw mazmunin tańlawi ,bul materialdiń belgili sistemada jaylasiwi,matematikaǵa oqitiw metodlariniń tańlaniwi ,matematikaǵa oqitiwdiń tiykarǵi waziypalarin boysiniw kerek.I-IV klasslar matematikaǵa oqitiwdiń tiykarǵi waziypasi bolǵan tálim- tárbiyaliq waziypalardi sheshiwde olardaǵi matematika kursi qanday dárejede tayarliǵi barliǵin ,balalar baqshalariniń tayarlaw toparlari dásturi arqali hámde úyde óz betinshe matematikani úyrenip qanday bilimlerge iye ekenligine baylanısli.Baslawish klass matematika kursiniń tiykarǵi waziypasi mektep aldina qoyilǵan ,,Oqiwshilarǵa pán tiykarlarinan puxta bilim beriw,turmisqa kásiplerdi ańli úyretiw''siyaqli waziypalardi sheshiwde járdem beredi.Matematikani oqitiwdiń tiykarǵi waziypasi esaplaw,ólshew hám grafikaliq kónlikpeleriniń málim aniq sistemasin payda etiwden ibarat.Baslawish klasslarda matematikaǵa oqitiwdiń maqsetlerine tómendegiler kiredi.Uliwma bilim beriw maqseti,tárbiyaliq maqseti,ámeliy maqset.Bul maqsetler bir-biri menen tiǵiz baylanisqan bolip,bir-birin toltiradi.
1) Uliwma bilim beriw maqseti oqiwshilardan tómendegilerdi talap etedi:
a)Oqiwshilarǵa matematikaliq bilimler sistemasinan,bilim,uqipliliq,kónlikpe beriw.
b)Haqiqiy real álemde matematikaliq metodlar menen úyreniw.
c)Oqiwshilardiń áwiz-eki hám jazba sóylewlerin ósiriw,oniń sipatli boliwin támiyinlew bolip esaplanadi.
2) Tárbiyaliq maqset.Matematikaǵa oqitiw oqiwshilardi,sawatliliqqa ,tirisqaqliqqa,puxtaliqqa ,óz pikiri menem hám juwmaqlarin baqlay aliwina ásirese ,baqlaw,tájriybe hám túsiniw tiykarinda aytilatuǵin pikirlerdiń aniq boliwina erisiw kerek.Biliwge umtiliw óz betinshe jumistan qanaat penen payda etiw tuyǵilarin tárbiyalaw kerek.Matematika pánin oqitiwdiń ózi oqiwshilarda diqqat hám pikirdi bir jerge toplay biliwin tárbiyalaydi.
3)Ámeliy maqset.Matematikani oqitiwdan baqlanǵan ámeliy maqset-oqiwshilar alǵan bilimlerin ámelde qollay aliwǵa úyretiwden ibarat.Eń dáslep birinshi klassqa kelgen oqiwshilardiń bilimlerin aniqlaw hám tekseriw,yaǵniy tómen bilimge iye bolǵan oqiwshilardiń bilimlerin jaqsi biletuǵin oqiwshilarǵa jetkerip aliw waziypasi turadi.I-IV klasslarda matematikani oqitiw háptesine 5 saat ,bir jilǵa 170 saat ajiratilǵan.
Do'stlaringiz bilan baham: |