Ikkinchi laboratoriya ishi

IKKINCHI LABORATORIYA ISHI

YUQORI KUCHLANISH KABEL LINIYALARINING TUZILISHINI TADQIQ QILISH

Ishni bajarishdan maqsad: elektr tarmoqlarida qо‘llaniluvchi kabel liniyalarining tuzilishi, turlari va xarakteristikalarini о‘rganish.
Qisqacha nazariy ma’lumotlar
Yuqori kuchlanishli kabel liniyalarining tuzilishi hakida asosiy ma’lumotlar. Yuqori kuchlanishli kabel deb, germetik qobiqqa joylashgan, ustiga, kerak bо‘lganida himoya qoplamasi qо‘yilgan bir yoki bir necha, izolyasiya qilingan tok о‘tkazuvchi sim tomirlarining yig‘indisiga aytiladi.
Yuqori kuchlanishli kabellar kuchli tok va nazorat kabellariga bо‘linadi. Ikkinchisi elektr signallarini uzatish, о‘lchash va boshqarish vazifalari uchun ishlatiladi.
Kuchli tok kabellarining kuchlanishi, kesim yuzasi, sim tomirlarining soni va yana kabelni о‘rab olgan materiallarning xili (alyumin, qо‘rg‘oshin va b. k.) bilan farqlanadi.

2.1 – rasm. Kabelning tuzilishi

Yuqori kuchlanishli kabelning asosiy elementlari 2.1 - rasmda kо‘rsatilganidek, tok о‘tkazuvchi sim tomiri 1, tomir izolyasiyasi 2, о‘ralgan jut tolasi 3, belbog‘(poyasnaya) izolyasiyasi 4, qobiq 5, tо‘qima qatlami 6, zirx 7, bitumli qoplama 8 dan iborat.
Kabel sim tomirlarning kesim yuzasi tо‘garaksimon (2.2 a,b - rasm), segmentli (2.2 v - rasm), yoki sektor kо‘rinishda bо‘lib, bunda sim tomiri tig‘izlanmagan. (2.2 g - rasm) hamda tig‘izlangan (2.2 d - rasm) bо‘lishi mumkin. Kabellar tomirining soniga qarab bir, ikki, uch va tо‘rt sim tomirli kabelga bо‘linadi.
Bir sim tomirli kabellar о‘zgarmas tok kabel liniyalarida KL va 110 kV va undan yuqori kuchlanishli uch fazali о‘zgaruvchan tok KL larida, ikki sim tomirlisi - faqat о‘zgarmas tok KL larida, uch sim tomirlisi - 1 kV dan yuqori bо‘lgan uch fazali о‘zgaruvchan tok KL larida, 1 kV dan past kuchlanishli KL larida esa tо‘rt sim tomirlisi qо‘llaniladi.
Kabellarda izolyasiya materiallari uchun rezina, qog‘oz va plastmassalar ishlatiladi