Ikki yarim davrli to‘g‘rilagichni foydali ish koeffisiyenti (ɳ) ning matematik ifodasini aniqlash Annotatsiya

Ikki yarim davrli to‘g‘rilagichni foydali ish koeffisiyenti (ɳ) ning matematik ifodasini aniqlash


Annotatsiya: ushbu maqolada ikki yarim davrli to‘g‘irilagichni foydali ish koeffisiyenti (ɳ) ni matematik ifoda orqali aniqlash usuli keltirilgan.

Kalit so‘zlar: transformator, diod, to‘g‘rilagich, ko‘prik diod, VAX(Volt-Amper xarakteristikasi).
Nazariy qism. Zamonaviy elektronika yarimo‘tkazgichli materiallardan yasalgan elektron qurilmalar asosida yaratilmoqda va jadallik bilan rivojlanmoqda. Qurilmalarning eng kichkina detallaridan tortib integral mikrosxemalar, mikrokontrollerlar xattoki mikroprosessorlar ham yarimo‘tkazgichli materiallardan yaratilmoqda. Shunday ekan bu qurilmalarni to‘g‘ri va tekis ishlashini ta’minlash uchun sifatli o‘zgarmas tok manbai zaruriyati mavjud. Bizning tarmoqlarimizdagi elektr energiyasi o‘zgaruvchan bo‘lganligi sababli bizga ikki yarim davrli to‘g‘rilagichlar kerak bo‘ladi. Hozirda qilingan maqolamiz ham shundan iboratdir chunki yarimo‘tkazgichli to‘g‘rilagichlar orqali o‘zgaruvchan tokni to‘g‘rilay olamiz. Yarimoʻtkazgichlar elektronikada juda keng qoʻllanilib, zamonaviy elektr jihozlarning deyarli hammasi - kompyuterlardan tortib to uyali aloqa telefonlarigacha barchasi yarimoʻtkazgichli texnologiyaga asoslangan. O‘zgaruvchan tokni o‘zgarmas tokka aylantirish, bir tomonlama o‘tkazish (birtarafga o‘tkazuvchanlik) xususiyatiga ega bo‘lgan nosimmetrik VAXga ega nochiziqli elementlar yordamida amalga oshiriladi. Bu ishda, hozirgi kunda keng qo‘llanilayotgan yarimo‘tkazgichli to‘g‘rilovchi diodlar o‘rganiladi. To‘g‘irlagichlar deb, o‘zgaruvchan tokni bir yo‘nalishda o‘zgarmas tokga aylantirib beradigan qurilmalarga aytiladi. To‘g‘irlagichlarning ishlashida diod ideal deb qaraladi. Bu holda diodning qarshiligi nolga teng , diodning teskari qarshiligi cheksiz deb qaraladi. To‘g‘rilangan tok tarkibida o‘zgaruvchan qismlari (pulsatsiyalar) bo‘ladi, ularni butunlay yo‘qotishning iloji yo‘q. Shuning uchun pulsatsiyalar turli choralar bilan eng kichik qiymatlargacha kamaytirilishi mumkin.