Икки паллалилар синфи режа

Жинсий системаси. Икки палллалиларнинг асосий қисми айрим жинсли бўлиб, бир жуфт жинсий безлар гавда паренхимасида ётади. Гермафродит формаларида бир жуфт гермафродит безлар бўлади.
3-саволнинг баёни: Икки паллали моллюскаларнинг систематикаси. Икки паллалилар хозирги даврда 3 катта уруғга-бирламчи жабралилар, хақиқий пластинкажабралилар ва тўсиқжабралиларга бўлинади.
Бирламчи жабралилар(Protobranchia) катта уруғи. Бу гурухга содда тузилишга эга бўлган турлар киради. Улар хамма океан ва денгизларида кенг тарқалган, фақат, Каспий, Азов ва Орол денгизларида учрамайди. Бу гурух вакиллари қирғоқлардан то 8 км чуқурликкача бўлган жойларда тарқалган. Бу гурухга 10 дан зиёдроқ катта оила ва 100 дан ортиқроқ турлар киради. Буларнинг характерли вакилларига Nucula, Yolidia уруғлари киради.
Хақиқий пластинкажабралилар (Autobranchia) катта уруғи. Бу гурух вакиллари хозирги икки паллалиларниг асосий қисмини ташкил этиб, 7 уруғ ва 120 дан ошиқроқ синфларни ўз ичига олади. Хақиқий пластинкажабралилар тузилиши, катталиги, чиғаноқ шакли, хаёт кечиришининг хилма-хиллиги билан ажралиб туради. Хақиқий пластинкажабралиларга садафдорлар-Unionidae оиласига кирадиган хамма чучук сув икки паллалилари: садафдорлар, тишсизлар, шунингдек марвариддорлар-Margaritanidae оиласи ва шарчалар-Sphaeriidae оиласи; денгизда яшовчи икки паллалилардан сердцевидклар-Cardiidae оиласи хам киради. Шунинг билан бирмунча ихтисослашган формалар: тош тешарлар-Pholas, кема қуртлари-Teredo navalis ва бошқа кўпгина моллюскалар хам шу гурухга киради.
Тўсиқжабралилар (Septibranchia) катта уруғи. Хозирги даврда бу гурух вакилларининг 6 та оиласи мавжуд бўлиб, кам ўрганилган ва асосий қисми қирилиб кетган. Улар фақат қазилма холатда топилган. Тўсиқжабралилар кам сонли бўлиб, фақат чуқур хавзаларда хаёт кечиради. Бу гурухнинг кўп турларида жабралар нихоятда кичик, редукцияланган, ёки тўсиқсимон мускулларга айланган.
Тўсиқжабралиларга қуйидаги оилалар: вертикордлар (Verticordiidae), кардиомидлар (Cardiomydae), паромидлар (Poromyidae), цетоконихидлар (Cetoconchiidae) ва бошқалар киради. Тўсиқжабралилар орасида куспиадрлар (Cuspidariiddae) оиласи турлар сони жихатидан энг кўпчиликни ташкил қилади.