Икки эшик ораси: роман. Ўткир Ҳошимов

2. «Қора аммам»нинг мушуги
Ҳовлига киришим билан айвондан тушиб кела-
ётган «Қора аммам»ни кўрдим. Аммам худди коп-
токка ўхшайди. Кичкина, дум-думалоқ. Тағин ёз-
даям қора нимча кийиб юради.
– «Қора амма!» Бизлар келдик!
– Вой амманг айлансин! Вой амманг ўргилсин 
сендан! – У пилдираб келиб мени бағрига босди. 
Димоғимга қатиқ ҳиди урилди, юзимдан ўпаётган-
да оппоқ сочининг учига осиб олган сўлкавой чўл-
пилари бир-бирига урилиб жиринглаб кетди.
– «Қора амма», тангангизни ўйнасам майлими?
– Вой танга сендан айлансин!
Дадам елкамга секин туртди.
– Неча марта айтганман: «Қора амма» эмас, 
амма дегин, тентак!
– Сени ишинг нима! – «Қора аммам» дадамга қа-
раб илжайди. – Қорани қора дейди-да! Қораман! 
Тўғрими? Юр, болам!
Аммам қўлимдан тутиб, айвонга судраган эди, 
орқадан дадамнинг овози келди.
– Мен кетдим, опа. Кеч қоляпман.
– Ҳой, қаёққа? – Аммам мени қўйиб, дадам то-
монга талпинди: – Чой-пой ичмайсанми?
– Кечки картошкани чопиқ қиламиз. Оқсоқол 
кўрсалар хафа бўладилар. Кечқурун, келарман.
– Робия ҳам саҳарлаб чиқиб кетган. Бир пиёла 
чой ич ахир.
Дадам кўнмади. Шоша-пиша кетиб қолди. Ам-
мам иккаламиз айвондан ўтиб, уйга кирдик. Ам-
мамнинг уйи бизникига ўхшаган эмас. Ҳамма ёқ 
топ-тоза. Ҳатто деразаларда парда ҳам бор. Ток-
чалардаги лаган-баркашлар ярақлайди. Еттинчи 
лампанинг шишаси ҳамиша ялтираб туради. Роби 
опам ҳар куни кул билан ювади. Ўзим кўрганман. 

---

28
Деворда иккита сурат бор. Ёғоч ромга солиб қў-
йилган. Иккаласиям сарғайиб кетган. Биттаси Ҳу-
сан бувамники. Бошига кичкинагина салла ўра-
ган, чўққисоқол чол. Негадир доим қовоғини солиб 
туради. Биттаси ёш йигит. Бошида дўппи, эгнида 
тўн. Хиёл жилмайиб турибди. Худди, «бери кел, 
сенда гапим бор», деяётганга ўхшайди. Қошининг 
қалинлигими, қирра бурними – аллақаери дадамга 
ўхшаб кетади. Фақат мўйлови йўқ. Бу – «Қора ам-
мам»нинг ўғли – Кимсан акам.
«Қора аммам» бир қўлида супра, бир қўлида 
элак билан кириб келди. Элакда анча-мунча тур-
шак бор эди.
– Ма, болам, туршак еб тур, ҳозир сенга нон 
ёпиб бераман. Ўзингга ўхшаган ширингина кулча.
Туршак чайнаб «қора аммам»нинг рўпарасида 
ўтирибман. Аммам чўккалаб ўтирганча ун эла-
япти. Элак тап-тап этади. Тагидан супрага ун ёғи-
лади. Худди қордек. Аммамнинг қоп-қора билак-
лари бирпасда унга беланди. У бошини бир ёнга 
ташлаганча элакни тапиллатади. ўиж-ғиж нафас 
олади. Қизиқ, худди ичига митти одамчалар ки-
риб олгану ҳадеб ҳуштак чалаётгандек. Баъзан 
«ҳуштак» шунақа кучайиб кетадики, ўзимнинг ҳам 
нафасим бўғилиб қолаётганга ўхшайди. Мана, ҳо-
зир ҳам аммам «ғийқ-ғийқ» нафас оляпти.
– «Қора амма», ичингизда нима бор?
У ярқ этиб бошини кўтарди. Маъюс кулди.
– Дард бор, болам, акангни дарди бор...
Яна жимлик чўкди. Элак тапиллайди. Таги-
дан ун ёғилади. Аммамнинг ичидаги «одамчалар» 
ҳуштак чалади.
Туршагимни еб бўлдим. Энди данак чақиш учун 
ўрнимдан турмоқчи эдим, аммамнинг овози чиқиб 
қолди. Менга гапиряпти, десам, ашула айтаётган 
экан.

---

29
Дукур­дукур от келди,
От бошида хат келди.
Хатини ўқиб кўрсам,
Вой­вой билан дод келди...
Қизиқ, элак ҳам аммамнинг ашуласига мос та-
пиллаётганга ўхшаб кетди. «Дукур-дукур от келди...»
Аммам яна жимиб қолди. Нафасининг ғижил-
лаши кучайиб кетди. Деворга – Кимсан акамнинг 
суратига тезгина қараб қўйди-да, хўрсинди, яна 
минғиллаб ашула айта бошлади.
Жон болам – жоним болам,