Ijtimoiy-madaniy masalalar / Fan va ilmiy faoliyat]

5-bob. Yakunlovchi qoida
21. Kengashni qayta tashkil etish va tugatish O‘zbekiston Respublikasi Prezidentining qarorlariga muvofiq amalga oshiriladi.
O‘zbekiston Respublikasi Prezidentining 2020-yil 25-noyabrdagi PQ-4899-son qaroriga
5-ILOVA
Toshkent vaksina va zardoblar ilmiy-tadqiqot institutining faoliyatini takomillashtirish
dasturi

T/r	Tadbir nomi	Amalga oshirish mexanizmi	Ijro muddati	Moliyalashtirish manbalari	Mas’ul ijrochilar
I. Ilmiy tadqiqotlarning samaradorligi va natijadorligini oshirish
1.	Toshkent vaksina va zardoblar ilmiy-tadqiqot institutining (keyingi o‘rinlarda — Institut) ilmiy-tadqiqot faoliyatini 2030-yilgacha rivojlantirish dasturini ishlab chiqish hamda Fan va texnologiyalar bo‘yicha respublika kengashiga tasdiqlash uchun kiritish.	Xalqaro hamkorlikni rivojlantirish, Institutning rolini kuchaytirish, vaksinalar, zardoblar va boshqa immunobiologik preparatlarni ishlab chiqarishni yo‘lga qo‘yishni inobatga olgan holda immunologiya fani, shu jumladan vaksina-zardob ishini rivojlantirishning istiqbolli yo‘nalishlarini belgilash.	2021-yil 1-mart	–	Farmatsevtika tarmog‘ini rivojlantirish agentligi (Kariyev), Innovatsion rivojlanish vazirligi (Abduraxmonov), Fanlar akademiyasi (Yuldashev), manfaatdor vazirlik va idoralar
2.	Xorijiy ilmiy markazlarda faoliyat ko‘rsatayotgan vatandoshlar va yetakchi xorijiy olimlar orasidan profilaktika tibbiyoti va unga yaqin yo‘nalishlarning olimlarini Institutdagi tadqiqotlarga jalb qilish.	Xorijiy ilmiy markazlarda faoliyat ko‘rsatayotgan vatandoshlar to‘g‘risida ma’lumotlarni shakllantirish; vatandosh olimlar va xorijiy mutaxassislar bilan tegishli muhokamalarni o‘tkazish; yetakchi immunolog, virusolog, parazitolog, mikrobiolog, biotexnolog, epidemiolog va farmatsevtlar ishtirokida ilmiy-tadqiqot loyihalarini tayyorlash; loyihalarni Sog‘liqni saqlash vazirligi va “El-yurt umidi” jamg‘armasi bilan muvofiqlashtirish; loyihalarni Vazirlar Mahkamasiga taqdim etish.	2021-yildan boshlab	“El-yurt umidi” jamg‘armasi mablag‘lari	Farmatsevtika tarmog‘ini rivojlantirish agentligi (Kariyev), Innovatsion rivojlanish vazirligi (Abduraxmonov), Fanlar akademiyasi (Yuldashev), “El-yurt umidi” jamg‘armasi(Bekmuradov), manfaatdor vazirlik va idoralar