«ijtimoiy fanlar va jismoniy madaniyat» kafedrasi

6-mavzu: Magistrlarning ilmiy pedagogik faoliyatini tashkil qilish metodikasi

Reja:

1. Ilmiy pedagogik faoliyatni tashkil qilish. Ustoz-shogird tizimini shakllantirish.

2. Ilmiy ish mavzusini tanlash, uni rasmiylashtirish.

3. Magistrlar mustaqil faoliyatini tashkil etish.
Mavzuga oid tayanch so‘zlar:magistr, magistrlik dissertatsiyasi, ilmiy faoliyat, ustoz-shogird tizimi, mavzuni tanlash, ilmiy faoliyat.
“Ustoz – shogird” tizimining maqsad va vazifalari

1. Oliy va o‘rta-maxsus, ta’lim jarayonivazirligi, aloqador vazirlik va idoralar, ularning tarkibidagi tashkilot va korxonalar bilan korporativ hamkorlikda olib borilayotgan ishlarning bir qismi sifatida “Ustoz-shogird” tizimi asosida tashkilotlar o‘zlari uchun kadrlar tayyorlash, talabalarni institutda olgan nazariy bilimlarini amaliyot: ishlab-chiqarish bilan chambarchas bog‘lagan holda olib borishlari, ularni kelajakda yuqori malakali raqobatbardosh mutaxassis bo‘lib etishishlarini ta’minlaydi.

2. “Ustoz-shogird” tizimi asosida talabalar institutda olgan nazariy bilimlarini amaliyot: ishlab-chiqarish bilan chambarchas bog‘lagan holda olib borishlari, ularni kelajakda yuqori malakali raqobatbardosh mutaxassis bo‘lib etishishlarini, institutni tugatganlaridan so‘ng kafolatlangan ish o‘rinlari bilan ta’minlanishlari hamda ishlab-chiqarish tashkilotlaridagi dastlabki ko‘nikish (adaptatsiya) davrlarini yo‘qotishga qaratilgan tadbirlar majmuasini tartibga soladi.

“Ustoz-shogird” tizimi asosida ishlarni tashkil etish

1. 
   “Ustoz-shogird” tizimi asosida talabalarni ishlab-chiqarish tashkilotlarining etakchi mutaxassislariga shogird sifatida belgilash uchun bu tashkilotlarda institutning mutaxassis chiqaruvchi kafedralarining filiallari mavjud bo‘lib, u erda o‘quv jarayoni tashkil etilgan bo‘lishi, xamda talabalar bu tashkilotlar bo‘yicha to‘liq ma’lumotlarga ega bo‘lishlari zarur.
   
2. 
   “Ustoz-shogird” tizimi asosida talabalarni ishlab-chiqarish tashkilotlarining yetakchi mutaxassislariga shogird sifatida belgilash ikki tomonning roziligi asosida, TTESIda ikkinchi va undan yuqori bosqich talabalari hamda ishlab-chiqarish tashkilotlarining rahbarlari va yetakchi mutaxassislari ishtirokidagi umumiy yig‘ilishda amalga oshiriladi va ikki tomonlama buyruq bilan rasmiylashtiriladi.
   
3. 
   Ishlab chiqarish korxonalarida “Ustoz-shogird” tizimi Ustoz va uning shogirdi tomonidan kelishilgan hamda tashkilot rahbari tasdiqlagan jadval asosida (haftasiga kamida 2-3 kun) biriktirilgan korxonalarda tashkilllashtiriladi. Talabalarning ishlab-chiqarish korxonalariga borishlarini va Ustozlari rahbarligida olib borayotgan ishlari bevosita fakultet dekani va kafedra mudirlari tomonidan nazorat qilib boriladi.
   
4. 
   Talabaning ishlab chiqarish korxonasida belgilangan jadval asosida Ustozi rahbarligida bajargan ishlarining qisqacha mazmuni kundalikka tushirilib boriladi.
   
5. 
   Talaba bilim olayotgan ta’lim yo‘nalishining o‘quv rejasidagi malakaviy, bitiruv ishi (BI) oldi amaliyotlarini shu korxonada Ustozi rahbarligida o‘tib, BIni real ob’ekt bo‘yicha bajaradi hamda shu korxona mutaxassislari ishtirokida Davlat imtihoni hay’ati oldida himoya qiladi.
   

“Ustoz-shogird” tizimini samarali tashkil etishning omillari

“Ustoz-shogird” tizimi asosida tashkil etilayotgan ishlarning samaradorligini oshirishga ta’sir etuvchi omillar quyidagilardan iborat:

• 
  talabalar tomonidan o‘zlarini qiziqtirgan ta’lim yo‘nalishlarini to‘g‘ri tanlagani va o‘zlarini oldiga qo‘ygan aniq maqsadlarning mavjudligi;
  
• 
  ishlab chiqarish korxonasidan biriktirilgan Ustozining tajribasi va malakasining yuqoriligi;
  
• 
  Ustoz tomonidan ishlab-chiqarish jarayonlarini to‘la va aniq tushuntirilishi, talabalarning olgan ko‘nikmalarini qo‘llay olishlarini nazorat qilib borish;
  
• 
  Ustoz tomonidan talabalarga nisbatan amaliy-ishchi munosabatda bo‘lish;
  
• 
  talabalar uchun ishlab chiqarish korxonasida yaratilgan shart-sharoitlar;
  
• 
  Ustozning talaba bilan hamkorlikda olib borayotgan ishlarining asosiy maqsadga yo‘naltirilganligi va ularning uzviyligi;
  
• 
  Ustozning talabada o‘z kasbiga nisbatan qiziqishi va mehr uyg‘ota olishi;
  
• 
  talabaning ushbu ishlab chiqarish korxonasida o‘qishni tugatgandan so‘ng faoliyatini davom etirishi uchun ishonchining hosil bo‘lishi;
  
• 
  ishlab chiqarish korxonasi rahbariyatining Ustoz va shogirdga nisbatan ijobiy munosabati (ularning faoliyatini nazorat qilib borish, muammolarni hal etish, ishchi shart-sharoitlarni yaratishi va h.k);
  
• 
  talabani bevosita korxona faoliyatiga jalb etish va belgilangan tartibda uning mehnatiga haq to‘lashni tashkil etilishi.
  

“Ustoz-shogird” tizimini bajarilishini nazorati

1. Talabaning o‘zining Ustozini har bir tashrifi, o‘sha kuni bajargan ishlari, olgan bilimlarining qisqacha mazmuni kundalikda aks ettirilib, Ustozi hamda kafedra mudirining imzosi bilan tasdiqlanadi.

2. Talaba ishlab-chiqarish korxonasida Ustozidan olgan bilim va ko‘nikmalari bo‘yicha referat tayyorlab boradi. O‘quv yilining bir semestri davomida talaba tomonidan mustaqil ravishda “Ustoz-shogird” tizimida amalga oshirilgan ishlari yuzasidan 2 ta referat tayyorlanadi.

3. Talabalar tayyorlagan referat ishlari tegishli mutaxassislik fanlari bo‘yicha kafedrada himoya qiladilar va uning natijalari talabaning mustaqil ishi sifatida reja asosida o‘tkaziladigan oraliq va joriy nazorat turlarining reyting ballarini to‘plashda inobatga olinadi.

4. Talaba bulardan tashqari “Ustoz-shogird” tizimi asosida ishlab chiqarish korxonasining faoliyati, boshqaruv tizimi, tuzilmasi, tarixi va korxona faoliyati bilan bog‘liq bo‘lgan boshqa ma’lumotlar, chizmalar, sxemalar hamda rasmlardan foydalanishi mumkin.